Álemdik BAQ-taǵy Qazaqstan: Kaspıı túbine kabel tartý, EO-men baılanys jáne metallýrgııa salasy

Naýryzdyń orta tusynda alys-jaqyn elderdegi buqaralyq aqparat quraldary Qazaqstan jóninde az jazbady. Sonyń ishinde Kaspıı teńiziniń túbine elektr kabelin tartý, Eýropalyq Odaqpen jańa kelisim, metallýrgııa salasynyń damýy men Býrabaı kýrortyn damytý máseleleri kózge tústi. Tolyǵyraq Kazinform tilshisiniń sholýynan oqyńyz.

баспасөз
Коллаж: Kazinform / Freepik / Pixabay /proizvodstvo-rus.ru

Trend: Eki el Kaspııdiń túbine tereń sý elektr kabelin tartýdy talqylady

Qazaqstan men Ázerbaıjan Kaspıı teńiziniń túbine talshyqty-optıkalyq baılanys jelisi men tereń sýly elektr kabelin tartýdy qosa alǵanda, iri strategııalyq jobalardy iske asyrý máselelerin sóz etti. Buny Trend jazdy.

Másele Qazaqstan Prezıdenti Qasym-Jomart Toqaevtyń Astanada resmı saparmen júrgen Ázerbaıjan syrtqy ister mınıstri Djeıhýn Baıramovpen kezdesýiniń kún tártibiniń bir bóligi boldy. Prezıdent Toqaev bul kezdesýdiń kópqyrly memleketaralyq baılanystardy odan ári nyǵaıtý úshin mańyzdylyǵyn atap ótken.

«Sizdiń saparyńyzdyń baýyrlas Ázerbaıjan elimen yntymaqtastyǵymyzdy odan ári ilgeriletý turǵysynan máni zor. Biz úshin Ázerbaıjanmen qarym-qatynas erekshe mańyzǵa ıe. Biz Sizdiń elińizdi senimdi strategııalyq seriktes jáne odaqtas retinde qarastyramyz», – dep basa aıtty ol.

Ázerbaıjannyń SІM basshysy dástúrli jyly qabyldaýy úshin alǵysyn bildirip, ekijaqty qarym-qatynastardyń qarqyndy damyp kele jatqanyn atap ótti.

Djeıhýn Baıramov qazaqstandyq tarapqa Aqtaýda «Ázerbaıjan áýe joldary» ushaǵynyń apatqa ushyraýyna baılanysty jedel kómek kórsetkeni úshin alǵys bildirdi. Sondaı-aq saýda, ınvestıtsııa, tsıfrlandyrý, tranzıt jáne kólik salalaryndaǵy odan arǵy ózara is-qımyl perspektıvalary qaraldy.

Anadolu: Qazaqstan men Eýropa Odaǵy asa mańyzdy shıkizat boıynsha kelisimge qol qoıdy

Qazaqstannyń SІM basshysy Murat Nurtileý eýropalyq komıssar Iozef Sıkelamen kelissózder júrgizdi. Nátıjesinde, Qazaqstan men Eýropa Odaǵy 3 mln eýroǵa asa mańyzdy shıkizat materıaldary salasynda kelisimge qol qoıdy. Aqparatty túrkııalyq basylym Anadolu jarııalady.

QR SІM habarlaǵandaı, Premer-Mınıstrdiń orynbasary, Syrtqy ister mınıstri Murat Nurtileý eýropalyq komıssar Iozef Sıkelamen kelissózder júrgizgen. Júzdesý barysynda kólik jáne logıstıka, syndarly shıkizat materıaldary sııaqty ekijaqty jáne óńirlik yntymaqtastyqtyń basym baǵyttaryndaǵy naqty jobalardy iske asyrý máseleleri talqylanǵan. Jasyl energetıka, tsıfrlandyrý, klımattyń ózgerýi, ǵarysh taqyryby da áńgime etilgen.

Taraptar ózara is-qımyldyń 29 salasyn qamtıtyn Keńeıtilgen áriptestik pen yntymaqtastyq týraly kelisim jasasqan. Onyń sheńberinde Qazaqstan men Eýropalyq odaq arasyndaǵy kópqyrly yntymaqtastyqty odan ári damytýǵa, sondaı-aq EO-nyń Ortalyq Azııa boıynsha strategııasyn iske asyrýǵa beıildiligi atap ótilgen.

Kelissózder QR SІM basshysynyń tóraǵalyǵymen Qazaqstannyń túrli memlekettik organdary men vedomstvolary basshylyǵynyń qatysýymen «dóńgelek ústel» formatynda Eýroodaqtyń «Global Gateway» bastamasy aıasynda jalpy bıýdjeti 300 mlrd eýro bolatyn turaqty damý jáne ózara baılanys talaptaryna jaýap beretin ınfraqurylymdyq jobalardy ilgeriletýge baǵyttalǵan ózara tıimdi jobalardy talqylaý úshin ótti.

Kelissózder barysynda Qazaqstan, Ortalyq Azııa jáne EO arasyndaǵy ózara baılanysty nyǵaıtýǵa, atap aıtqanda, Transkaspıı halyqaralyq kólik baǵdaryn odan ári damytýǵa baǵyttalǵan kólik dálizderin jańǵyrtý máselelerine erekshe nazar aýdaryldy.

«Kelissózderdiń mańyzdy qorytyndylarynyń biri eki qujatqa qol qoıý boldy – Eýropalyq ınvestıtsııalyq banktiń Qazaqstannyń Damý bankine 200 mln eýro somasyna qaryzy úshin kepildikter týraly kelisim jáne Eýropalyq odaq pen Eýropalyq qaıta qurý jáne damý banki arasyndaǵy Qazaqstan men Ortalyq Azııadaǵy asa mańyzdy shıkizat materıaldary salasyndaǵy jobalardy damytý jónindegi 3 mln eýro somasyna kelisim», – delingen habarlamada.

Taraptar ornyqty jáne ınklıýzıvti ekonomıkalyq ósimdi nyǵaıtýǵa, ınnovatsııalyq damýǵa jáne jahandyq syn-qaterlerdi birlesip sheshýge yqpal etetin syndarly dıalogty jalǵastyrýǵa, uzaq merzimdi yntymaqtastyqty qurýǵa ózara múddelilik tanytty.

Daryo: Qazaqstan metallýrgııa salasyn damytpaq

2025 jyly Qazaqstannyń Ónerkásip jáne qurylys mınıstrligi metallýrgııada naqty kólem ındeksin 5%-ǵa, metall kenderin óndirýdi 3,1%-ǵa ulǵaıtýdy kózdep otyr. Al kómir óndirý kólemi boljamǵa sáıkes 2024 jylǵy deńgeıde qalady. Jańalyqty ózbekstandyq Daryo taratty.

Ekonomıkalyq ósimdi qamtamasyz etý jónindegi shtab otyrysynda vıtse-premer – ulttyq ekonomıka mınıstri Serik Jumanǵarın vedomstvoǵa, sondaı-aq óńirlik bılikke 2025 jyly taý-ken metallýrgııa keshenindegi (TMK) NKI kórsetkishterin arttyrý úshin sharalar qabyldaýdy tapsyrdy.

Metallýrgııadaǵy ósimdi mys, altyn, prokat, ferroqorytpa jáne shoıyn óndirý kólemin ulǵaıtý esebinen qamtamasyz etý josparlanyp otyr. Budan basqa, aǵymdaǵy jyly «Karagandy Power Silicon» JShS keshendi qorytpalar zaýytyn, «Ekibastuz FerroAlloys» JShS ferroqorytpa óndirisin, «Shagala Mining» JShS katodty mys óndirisin iske qosý jáne Lımannoe ken ornyn ıgerý kútilýde.

Jumanǵarın 7% maqsatty ekonomıkalyq ósimge qol jetkizý úshin TMK damytýdyń josparlanǵan kórsetkishteri jetkiliksiz bolýy múmkin ekenin atap ótti.

Úkimet otyrysynda Batys Qazaqstan jáne Atyraý oblystaryndaǵy ınvestıtsııalyq jobalardyń iske asyrylý barysy da qaraldy. 2025 jylǵy qańtarda negizgi kapıtalǵa ınvestıtsııalar 28,9 mlrd teńgeni qurady, bul 2024 jyldyń sáıkes kezeńimen salystyrǵanda 7,1%-ǵa artyq (26,7 mlrd teńge).

2025 jylǵa arnalǵan negizgi kórsetkish (KPI) – 841 mlrd teńge. Tikeleı sheteldik ınvestıtsııalardyń aǵyny 2024 jyldyń 9 aıynda 995,5 mln dollarǵa jetti.

2025 jyly 44,5 mlrd teńgeniń 25 ınvestıtsııalyq jobasyn júzege asyrý josparlanǵan, bul 769 jumys ornyn ashady. Negizgi jobalardyń ishinde: «ATYRAU CHICKEN» JShS qus fabrıkasy, «Aıdana-Agro» jylyjaı kesheni, «Teksol-Trans» JShS suıytylǵan gazdy saqtaýǵa arnalǵan qoıma, «Jumaǵalıeva» ShQ kókónis qoımasy bar. Qazir ınvestıtsııalyq jobalardy júzege asyrýǵa aıtarlyqtaı kedergiler joq.

Report: Qazaqstan Býrabaı kýrortyn damytýǵa 278 mln dollar bóledi

Qazaqstan Úkimeti Şýchınsk-Býrabaı kýrorttyq týrıstik aımaǵyn damytý josparyn bekitti. Jospar sheńberinde týrıstik ınfraqurylymdy, kóliktik logıstıkany, tsıfrlyq sheshimderdi, qaýipsizdik júıesin damytýǵa 137,2 mlrd teńge ($278 mln) ınvestıtsııa tartý boıynsha 100-den astam is-shara iske asyrylatyn bolady. Aqparatty ázerbaıjandyq Report basylymy jazdy.

Strategııalyq qujattyń basty maqsaty syrttan keletin týrıster sanyn 35 myńnan 94 myń adamǵa deıin ulǵaıtý bolyp belgilendi. Basqa maqsatty baǵdarlar qatarynda týrızm salasyndaǵy jumyspen qamtýdy 22 myńnan 32,5 myń adamǵa deıin kóbeıtý, 22,7 mlrd teńge ($46 mln) jeke ınvestıtsııalar tartý, óńir ekonomıkasyndaǵy týrızm úlesiniń ulǵaıýyn 1,4%-den 3,5%-ge deıin arttyrý bar.

Qatarkól kóliniń janynda balalar ortalyqtaryn, sporttyq-saýyqtyrý keshenderin jáne jyl boıǵy akvapark uıymdastyrý josparlanýda. Jýkeı kóli aýdanynda kempıngter, glempıngter, jańa týrıstik baǵyttar, al Kishi Chebachede jalǵa berý stantsııalary, qaıyq stantsııalary, jaǵalaý ınfraqurylymy men jaǵajaılar paıda bolady.

Сейчас читают