Álemdik BAQ-taǵy Qazaqstan: Áleýmettik jelige shekteý, Altyn orda tarıhy jáne aerotaksı
ASTANA. KAZINFORM – Bul aptada álemdik medıada Qazaqstan habary kóbeıdi. Altyn Orda tarıhyna qatysty Qazaqstan ustanymy, jańadan ashylǵan radıatsııalyq monıtorıng ortalyǵyna qatysty jańalyq taraǵan. Eki jyldan keıin iske qosylatyn aerotaksı qyzmeti men áleýmettik jelige tirkelý jasyn shekteý máseleleri de aıtylypty. Tolyǵyraq Kazinform tilshisiniń sholýynan oqyńyz.
Anadolu: Ortalyq Azııa men Ázerbaıjan saýdasyn $20 mlrd-qa jetkizý usynyldy
Qasym-Jomart Toqaev Ortalyq Azııa elderi men Ázerbaıjannyń ózara saýda kólemin qazirgi 13 mıllıard dollardan 20 mıllıard dollarǵa deıin ulǵaıtý boıynsha birlesken is-qımyl josparyn ázirleýdi usyndy. Bul týraly Memleket basshysy Túrikmenstanda ótken Ortalyq Azııa elderi men Ázerbaıjan kóshbasshylarynyń VIII Konsýltatıvtik kezdesýinde málimdegen.
Anadolu agenttiginiń jazýynsha, Qasym-Jomart Toqaev shekara mańyndaǵy aımaqtarda qurylyp jatqan saýda-logıstıkalyq keshender men ónerkásiptik kooperatsııa ortalyqtarynyń jumysyna mán berdi. Sonyń ishinde kólik ınfraqurylymyn damytýǵa jáne óńirdiń tranzıttik áleýetin nyǵaıtýǵa erekshe nazar aýdarǵan.
Dúnıejúzilik banktiń baǵalaýy boıynsha, josparlanǵan ınfraqurylymdyq jobalar iske asyrylǵan jaǵdaıda, Kaspıı teńizi arqyly ótetin júk tasymalynyń kólemi 2040 jylǵa qaraı tórt esege artýy múmkin. Osyǵan baılanysty Qazaqstan Prezıdenti Orta dálizdi TRIPP kólik bastamasymen ıntegratsııalaýdy usyndy.
BBC: Altyn Orda murageri
Prezıdent Qasym-Jomart Toqaevtyń basshylyǵymen Qazaqstan óz tarıhyn derbes zerdeleý naýqanyn bastady. El ishinde de, halyqaralyq deńgeıde de Qazaqstan memleketi Altyn Ordanyń murageri retinde usynylýda. Jańa tarıhı kózqaras – Toqaevtyń Qazaqstandy álemdik arenada yqpaldy orta derjava retinde nasıhattaıtyn syrtqy saıasatynyń bir bóligi. Osy oraıdaBBC saıty taqyrypqa qatysty aýqymdy maqala jarııalaǵan.
Qasym-Jomart Toqaev 2019 jyly prezıdent bolǵannan keıin Altyn Ordanyń tarıhyn zertteýdi belsendi túrde qoldaı bastady. Ol 2021 jyly Joshy ulysyn zertteıtin ınstıtýt qurýǵa bastamashy boldy ári Ortalyq Qazaqstandaǵy Shyńǵys hannyń uly Joshy han kesenesin qalpyna keltirýdi tapsyrdy. Jaqynda jaryq kórgen Qazaqstannyń jeti tomdyq tarıhynda 1465 jyly qurylǵan Qazaq handyǵynyń bastaýy retinde Altyn Ordanyń tarıhy jan-jaqty baıandalǵan.
TASS: 16 jasqa deıin áleýmettik jelige tyıym salynbaqshy
Quryltaıdyń resmı saıtynda Oljas Bektenovtiń balalardy áleýmettik jelilerde tirkeýdi shekteý jáne tsıfrlyq ortada olardyń qaýipsizdigin qamtamasyz etý týraly depýtattyq saýalǵa jaýaby jarııalandy. Onyń sózinshe, Úkimet qoldanystaǵy Zańǵa 16 jasqa deıingi paıdalanýshylardy onlaın-platformalarda tirkeýdi retteýge baılanysty túzetýler ázirlegen. Premer-mınıstr sózin reseılik TASS agenttigi taratty.
Bul túzetýler Quryltaı qaraýynda. Aldyn ala aqparat boıynsha, shekteý tehnologııalyq múmkindikter arqyly qadaǵalanatyn bolady. ıAǵnı Face ID-ge uqsas bet-álpetti taný tehnologııasy, qaralatyn kontent, jazylymdar, qaýymdastyqtar, akkaýnttyń belsendiligi jáne ózge de minez-qulyq belgileri esepke alynady.
– Jańa talaptardyń sapaly oryndalýyn qamtamasyz etý maqsatynda atalǵan normany qoldanysqa engizý úshin ótpeli kezeń kózdeledi. 16 jasqa deıingi onlaın-platformany paıdalanýshylardyń qoldanystaǵy akkaýnttaryn ýaqytsha toqtatý qaralatyn bolady, – delingen O.Bektenovtiń jaýabynda.
JIJI PRESS: 2028 jyly aerotaksı iske qosylady
Qazaqstanda 2028 jyly áýe taksıiniń kommertsııalyq sapary bastalady. Bul týraly Úkimet otyrysynda Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev málimdegen. Laýazymdy tulǵa sózin japondyq Jiji Press habarlady.
Mádıevtiń aıtýynsha, pılottyq joba Astana, Almaty jáne Qosshy qalalarynda iske asyrylyp jatyr. Al Almatyda dronmen jetkizý pılottyq qyzmeti de iske qosyldy. Jobaǵa jaýapty AutoFlight kompanııasy alǵashqy aerotaksıdi 19 mamyrda Alataýda ushyrdy, keıin 24 shildede Astanada qaıtalaǵan.
The Times of Central Asia: ıAdrolyq jáne radıatsııalyq oqıǵalarǵa jedel den qoıý ortalyǵy ashyldy
Qazaqstanda ıadrolyq jáne radıatsııalyq oqıǵalarǵa jedel monıtorıng júrgizý jáne áreket etý ortalyǵy ashyldy. Atom energııasy agenttiginiń habarlaýynsha, atalǵan ortalyq AQSh Energetıka mınıstrliginiń ıAdrolyq qaýipsizdik jónindegi ulttyq ákimshiliginiń (DOE/NNSA) qoldaýymen qurylǵan. Jańalyqty The Times of Central Asia jazdy.
Ortalyqtyń negizgi mindeti – radıatsııalyq jaǵdaıdy monıtorıngteý jáne taldaý, jedel aqparat almasý, sondaı-aq ıadrolyq jáne radıatsııalyq oqıǵalar týyndaǵan kezde is-qımyldardy úılestirý. Ortalyq jedel ári negizdelgen sheshim qabyldaý úshin qajetti aqparatty ýaqtyly alýǵa múmkindik beredi.
Atom energetıkasy elde damyǵan saıyn tótenshe jaǵdaıǵa daıyndyq arta tústi. Óıtkeni 2024 jylǵy referendýmda daýys bergenderdiń 71,12%-y atom elektr stantsııasynyń qurylysyn qoldady. Sodan beri bılik ekinshi jáne úshinshi stantsııalardyń qurylysyna daıyndyqty bastap ketti.
