Álemdik joǵary oqý oryndarynyń QS reıtınginde QazUÝ -diń reıtıngi 200 orynǵa joǵarylady
MATY. 9 qyrkúıek. QazAqparat /Erbol Azanbek/ - Ulybrıtanııanyń Quacquarelli Symonds (QS) agenttiginiń zertteýlerine sáıkes ál-Farabı atyndaǵy QazUÝ álemdik joǵary oqý oryndary reıtınginde 200 orynǵa joǵarylap, 405-450 aralyǵyndaǵy oqý oryndary arasyna turaqtady.
Agenttik bir jylda QazUÝ-dyń bundaı deńgeıge kóterilýin óte úzdik kórsetkish dep baǵalap otyr. QazUÝ Ortalyq Azııa elderi arasynda bundaı kórsetkishke tuńǵysh ret qol jetkizip otyr.
QS reıtıngine álemniń 700 úzdik ýnıversıteti kiredi. QazUÝ oǵan 2009 jyly qosylyp, 601-650 deńgeıde bolǵan edi. Atalǵan reıtıngtiń kóshin byltyrǵydaı Ulybrıtanııanyń Kembrıdj ýnıversıeti bastap tur. Ekinshi orynda AQSh-tyń Garvard, úshinshi orynda osy eldiń Massachýsets ýnıverısteti. Úzdik jıyrmalyqtyń basym bóligin Ulybrıtanııa men AQSh ýnıversıtetteri bastap tur. Olardyń arasynda Kanadanyń McGill University (17 oryn) jáne Shvertsarııanyń Federaldy tehnologııalyq ınstıtýty (18) ǵana bar.
Atalǵan reıtıngti jasaýda joǵary oqý ornynyń tanymaldylyǵy, BAQ-ta jıi kórinýi, túlekteriniń jumysqa ornalasýy, shet eldik stýdentter men oqytýshylardyń sany, ustazdar men stýdentter sany esepke alynady.
