Álemdik jáne dástúrli dinder sezi 15 jyldyǵyn atap ótpek
ASTANA. QazAqparat - 2018 jyldyń 10-11 qazan aralyǵynda Astanada álemdik jáne dástúrli dinder kóshbasshylarynyń kezekti VI Sezi ótedi, dep habarlaıdy QazAqparat tilshisi.
Dinniń qoǵamdaǵy róliniń artyp kele jatqanyn túısine otyryp, álemdik jáne dástúrli dinder kóshbasshylarynyń Sezin ótkizýdi Qazaqstan Prezıdenti Nursultan Nazarbaev bastama etip kótergen bolatyn.
Memleket basshysynyń paıymy boıynsha ózara senimdilik pen túsinistikti tý etken álemdik jáne dástúrli dinderdiń kóshbasshylary atalmysh saladaǵy halyqaralyq yntymaqtastyqtyń keleshegine úlken jol asha otyryp, shydamsyzdyq, shettetý, zorlyq-zombylyq, dinı ekstremızm men terrorızm sekildi qaýiptiń aldyn alady.
Osylaısha, 2018 jyldyń 10-11 qazanynda Qazaqstannyń elordasy Astanada álemdik jáne dástúrli dinder kóshbasshylarynyń kezekti VI Sezi ótpek. Forýmnyń taqyryby: «Dinı kóshbasshylar qaýipsiz álem úshin» dep atalady.
Sez jumysyna álemniń 42 eliniń seksenge tarta delegatsııasy, atap aıtqanda abyroıly saıasatkerler, ıslam, hrıstıan, ıýdaızm, býddızm, ındýızm, daosızm, zoroastrızm dininiń kóshbasshylary, sonymen qatar BUU, EQYU, ıÝNESKO sekildi halyqaralyq, dinı jáne qoǵamdyń uıymdardyń ókilderi qatysady.
VI Sez eki plenarlyq sessııa men tórt sektsııalyq otyrystan turady. Sektsııalyq otyrystarda «Jahandyq qaýipsizdik tujyrymdamasy retindegi «Manıfest «Beıbitshilik. XXI ǵasyr», «Ózgeristerge ushyraǵan geosaıasattaǵy din: Adamzattyń úılesiminiń jańa múmkindikteri»», «Din jáne jahandaný: syn-tegeýrinder men jaýaptar», «Ekstremızm men terrorızmdi jeńýdegi dinı kóshbasshylar men saıası qaıratkerler» taqyryptary qozǵalmaq.
Sonymen birge, forým aıasynda Dinı kóshbasshylar keńesiniń úshinshi otyrysy ótedi.
Sezdiń ashylatyn alǵashqy kúni jıynǵa Serbııa Respýblıkasynyń Prezıdenti Aleksandr Výchıch, Ál-Azhardyń Joǵarǵy ımamy sheıh Mýhammad Ahmad at-Taıeba, EQYU Bas hatshysy Tomas Gremınger qatysady.
2015 jyly ótken V Sez kezindegi Memleket basshysynyń bastamalaryn iske asyrý baǵytynda Astanada Beıbitshilik jáne kelisim mýzeıiniń ashylýy, forýmnyń jumysy men dinıaarlyq dıalogqa eńbek sińirgeni úshin Astana halyqaralyq syılyǵy men Qurmetti medaldi tabystaý saltanaty ótedi.
Eske sala ketsek, Álemdik jáne dástúrli dinder kóshbasshylarynyń birinshi Sezi 2003 jyldyń 23-24 qyrkúıegi aralyǵynda ótken bolatyn.
15 jyldyń ishinde Álemdik jáne dástúrli dinder kóshbasshylarynyń sezi konfessııaralyq jáne dinaralyq qarym-qatynas boıynsha abyroıly alańǵa aınaldy.
