Álemdik jáne dástúrli dinder lıderleri VII seziniń resmı akkaýnttary tanystyryldy

NUR-SULTAN. QazAqparat - Álemdik jáne dástúrli dinder lıderleriniń sezin ótkizýge daıyndyq qarqyndy júrip jatyr, dep habarlaıdy QazAqparat.

Din lıderleri VII seziniń barshaǵa belgili Facebook, Instagram, Twitter, Telegram áleýmettik jelilerinde iske qosylǵan resmı akkaýnttary tanystyryldy.

Tilek bildirýshilerdiń bári hatshylyqtyń jáne sezdiń otyrystaryn daıyndaý jáne ótkizý barysyndaǵy asa mańyzdy jańalyqtar jáne oqıǵalarmen tanysý úshin forýmnyń resmı saıty men resmı paraqshasynda jańarǵan aqparattardy kóre alady.

«Bizdiń saıt pen áleýmettik jeliler eń senimdi aqparat kózi bolyp tabylady, osyǵan baılanysty oqyrmandardy tek muqııat tekserilgen resmı derekterge senýge shaqyramyz. Sizder sezd paraqshalarynda jeke habarlama men jarııalanym astyndaǵy túsiniktemede ózińizdi qyzyqtyrǵan suraqtardy qoıa alasyzdar» , - dedi Álemdik jáne dástúrli dinder lıderleri VII seziniń resmı ókili Nazym Janǵazınova.

Tómende sezdiń saıty men áleýmettik jelilerdegi resmı paraqtaryna silteme berilip otyr.

Resmı saıt - https://religions-congress.org/

Facebook - https://www.facebook.com/religionscongresskz2022

Instagram - https://instagram.com/religions_congress_kz

Twitter - https://twitter.com/religionscongkz/

Telegram - https://t.me/religionscongresskz

14-15 qyrkúıekte Qazaqstan astanasynda Álemdik jáne dástúrli dinder kóshbasshylarynyń VII sezi ótedi.

Aldaǵy forým adamzattyń pandemııadan keıingi kezeńdegi áleýmettik-rýhanı damýyndaǵy álemdik jáne dástúrli konfessııalar kóshbasshylarynyń róline arnalady.