Álemdik jáne dástúrli dinder lıderleri Sezi Hatshylyǵynyń otyrysy qorytyndylandy
ASTANA. 2 qazan. QazAqparat - Álemdik jáne dástúrli dinder lıderleri Sezi Hatshylyǵynyń Basshysy Qaırat Mámı Astanada ótken jumys babyndaǵy keńeste Sezd Hatshylyǵy XII otyrysynyń jáne «Órkenıetter únqatysýyndaǵy dinaralyq Astana forýmynyń róli» halyqaralyq ǵylymı-tájirıbelik konferentsııasynyń jumysyn qorytyndylady.
Keńeske Syrtqy ister mınıstriliginiń, Din isteri jónindegi agenttiktiń, Halyqaralyq mádenıet jáne dinı ortalyqtyń ókilderi qatysty.
Keńeste Sezd Hatshylyǵy otyrysyna jáne konferentsııaǵa qatysýshylardyń baıandamalarylaryna sholý jasaldy. Atap aıtqanda, meımandardyń bári toleranttyq jónindegi jahandyq únqatysýdy damytýdaǵy Qazaqstan Prezıdenti Nursultan Nazarbaevtyń jeke úlesin atap ótti. 10 jylda Sezd álemdik dinı lıderlerdiń is júzindegi únqatysý alańy retinde qalyptasty.
Q.Mámı Hatshylyq otyrysy jáne konferentsııa barysynda aıtylǵan usynystar men ıdeıalarǵa muqııat taldaý jasap, sondaı-aq sonyń negizinde keleshek sharalar josparyn ázirleýge tapsyrma berdi. Hatshylyq músheleri V Sezdiń jalpy taqyrybyn «Din jáne turaqty damý» ataýymen bekitken bolatyn. Taıaý ýaqytta sektsııalyq otyrystar, sonymen birge kelesi Sezdiń merzimi men ótetin orny boıynsha usynystar pysyqtalady.
Keńeste Sezdiń arnaýly qoryn qurý, sondaı-aq sezder aralyǵynda Hatshylyq músheleriniń qyzmetin údetý, dinı qaıratkerler arasynda júıeli aqparat almasýdy qalyptastyrý, birlesken bilim berý baǵdarlamalary men oqý quraldaryn ázirleý, sondaı-aq azamattyq qoǵammen ózara is-qımyldy óristetý týraly usynystardy zerdeleýge tapsyrma berildi.
