Álemdik jáne dástúrli dinder lıderleri sezi hatshylyǵynyń qyzmeti talqylanýda
ASTANA. Jeltoqsannyń 3-i. QazAqparat /Qanat Mámetqazyuly/ - Búgin elordada Álemdik jáne dástúrli dinder lıderleri sezi hatshylyǵynyń ІH otyrysy óz jumysyn jalǵastyrýda. Jıyn barysynda sezd hatshylyǵynyń qyzmeti týraly máseleler talqylanýda,
dep habarlaıdy QazAqparat.
Esterińizge sala keteıik, sezd hatshylyǵy qorytyndy qujattardyń jobalary men joǵary deńgeıdegi kezdesýlerdiń kún tártibin ázirleýmen aınalysatyn jumys organy retinde qalyptasqan bolatyn. Onyń quramyna sezge qatysýshy dinı birlestikterdiń árqaısysynan bir-bir ókilden kirip otyr. Sezge qatysýshylar quramy ulǵaıýyna baılanysty hatshylyq músheleriniń de sany kóbeıgen bolatyn. Osyǵan oraı QR Parlamenti Senatynyń Tóraǵasy Qasym‑Jomart Toqaev «Hatshylyqty «sezd balamasyna» aınaldyrmas úshin onyń quramyn shekteýdi» usynǵan edi.
Sondyqtan da alqaly jıynnyń ekinshi kúni hatshylyq músheleri qaıta qurylatyndyǵy kútilýde. Budan basqa búgingi jıyn barysynda talqylanǵan máseleler boıynsha qabyldanǵan sheshimderdi bekitý úshin hatshylyq hattamasyn qabyldaý kútiledi.
