Álemdik jáne dástúrli dinder lıderleri sezi hatshylyǵynyń quramyn shekteý usynyldy
ASTANA. Jeltoqsannyń 2-si. QazAqparat /Qanat Mámetqazyuly/ - Búgin elordada ótip jatqan Álemdik jáne dástúrli dinder lıderleri sezi hatshylyǵynyń ІH otyrysynda sóz sóılegen Parlament Senatynyń tóraǵasy Qasym-Jomart Toqaev atalǵan hatshylyqtyń quramyn shekteýdi usyndy,
dep habarlaıdy QazAqparat.
Óz sózinde Q. Toqaev sezd hatshylyǵynyń qyzmetine toqtala kele, onyń qorytyndy qujattardyń jobalaryn ázirleýmen aınalysatyn jumys organy retinde qalyptasqanyn atap ótti. Hatshylyq quramyna sezge qatysýshy dinı birlestikterdiń árqaısysynan bir-bir ókil kiretin edi. «Sóz joq hatshylyq osy ýaqytqa deıin ózine júktelgen mindetterin tıisti deńgeıde abyroımen oryndap keldi. Degenmen, ýaqyt óte kele forýmǵa qatysýshylar quramy ulǵaıyp, Hatshylyq músheleriniń sany kóbeıdi. Bul óz kezeginde jedel sheshimder qabyldaý men qujattardyń jobasyn pysyqtaý úderisine áser ete bastady. Sondyqtan da 2007 jyly ótken hatshylyqtyń ÚІ otyrysynda arnaıy jumys toby qurylǵan bolatyn. Jalpy, hatshylyq jumysyna qatysýǵa nıet bildirýshilerdiń sany kúnnen-kúnge ósip kele jatqanyna baılanysty, bul máseleni talqylaýǵa usynamyz. Biz óz tarapymyzdan hatshylyqty «Sezd balamasyna» aınaldyrmas úshin onyń quramyn shektegen durys dep esepteımiz. Qajet bolsa rotatsııalyq prıntsıpti de qarastyrýǵa bolady», dedi Q. Toqaev.
