Álemdik zertteý ortalyǵy: Qazaqstan Rıo Olımpıadasynda 14 medal alady
ASTANA. QazAqparat - Álemdik «Infostrada» zertteý ortalyǵy 2016 jyly Rıoda ótetin Olımpıada oıyndarynda qaı el qansha medal alatynyna boljam jasady, dep habarlaıdy kazsport.kz.
Onyń boljaýynsha, Qazaqstan Rıo Olımpıadasynda 2 altyn, 5 kúmis, 7 qola medalmen jalpy esepte 29-shy oryn alýy múmkin.
«Rıo Olımpıadasynda qazaqstandyq sportshylar arasynan boksshy Ivan Dychko men aýyr atlet Aleksandr Zaıchıkov chempıon atanady», dep jazady zertteý ortalyǵy. Al, boksshy Danııar Eleýsinov, palýan Almat Kebispaev, dzıýdoshy Eldos Smetov, aýyr atletter Jasulan Qydyrbaev pen Nıjat Rahımov Olımpıadanyń kúmis medalin alady, dep boljam jasaǵan. «Infostrada» zertteý ortalyǵy jeti qolany Zúlfııa Chınshanlo, Karına Gorıcheva, Almas Óteshov (aýyr atletıka), Vasılıı Levıt, Ádilbek Nııazymbetov, Jánibek Álimhanuly (boks), jeńil atlet Olga Rypakova syndy sportshylarǵa «bergen». Eske sala keteıik, altyn medal alatyn sportshylardyń qataryna Ilıa Ilın engizilmegen. Qazaqstan 2012 jyly London Olımpıadasynda Qazaqstan Ulttyq quramasy jeti altynmen jalpy esepte 12-shi oryndy ıelengen edi.
