Álemdik tarıhta tuńǵysh ret Qasıetti Quran altynmen qashalyp shyǵarylmaq
ASTANA. 7 mamyr. QazAqparat - Terbızde álemdik tarıhta tuńǵysh ret «mınakarı» ádisin paıdalana otyryp Qasıetti Quran altynmen qashalyp shyǵatyn bolady.
Bul jaıynda Iran entsıklopedııasy ortalyǵynyń baspasóz qyzmeti habarlap otyr.
Irandyq tanymal zergerler - aǵaıyndylar Parvazı bul jobanyń avtorlary retinde belgili. Aýqymdy jáne biregeı jobaǵa kómektesý úshin barsha Irannan ondaǵan zergerlik istiń mamandary shaqyrylyp otyr, dep habarlaıdy IribNews.
«Qasıetti Quran 18 metr taza altynǵa qashalady. Onda kóptegen asyl tastar paıdalanylmaq. Bul joba - Irandaǵy ıslamdyq ónerdiń gúldenýiniń basy»,-dedi joba avtorlarynyń biri Ahmed Parvazı.
Aıta keteıik, aǵaıyndy Parvazılerdiń zergerlik birtýma zattary álemniń tanymal kórmelerinde qoıylyp keledi.
