Álemdik reıtıngke kirgen qazaqstandyq boksshylar kimder

⠀ASTANA. QazAqparat -BoxRec.com bedeldi saıty jekpe-jekterdiń qorytyndylary boıynsha jasaǵan statıstıkalyq esepterge súıenip, qazirgi kezdegi Qazaqstannyń úzdik 10 boksshysynyń esimin jarııalady. Bul týraly VKontakte áleýmettik jelisindegi «Qazaqstannyń kásipqoı boksy»paraqshasynda habarlandy.

Ondaǵy birinshi oryn uzaq ýaqyt boıy WBC, WBA Super, IBF jáne IBO nusqalary boıynsha orta salmaqtaǵy álem chempıony bolǵan Gennadıı Golovkınge (38-1-1, 34 KO) berilgen. BoxRec reıtıngindegi onyń upaı sany - 263.

Qazaqstandyq úzdik 10 boksshynyń tizimi:

1. Gennadıı Golovkın (38-1-1, 34KO) - 263

2. Batyr Júkembaev (14-0, 12KO) - 50

3. Meıirim Nursultanov (10-0, 8KO) - 32

4. Aıdos Erbosynuly (10-0, 8KO) - 26

5. Beıbit Shúmenov (18-2, 12KO) - 24

6. Álı Ahmedov (13-0, 10KO) - 23

7. Abylaıhan Qusaıynov (9-0, 6KO) - 22

8. Bobırjan Momınov (9-0, 8KO) - 20

9. Nursultan Jańabaev (6-0, 4KO) - 19

10. Rýslan Mádıev (12-1, 5KO) - 19.

⠀