Álemdik reıtıngke engen myqty ýnıversıtetter josparly tekserýden bosatylady

NUR-SULTAN. QazAqparat – Elimizdiń myqty ýnıversıtetteri josparly tekserýlerden bosatylady. Bul jaıynda Bilim jáne ǵylym mınıstri kezindegi qyzmeti týraly esep bergen Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Joǵary oqý oryndarynyń óz úlgisinde dıplom berýi mamandardy daıarlaý sapasyna jaýapkershiligin arttyrý úshin jasalǵan úlken qadam boldy. Jalǵan dıplomnan qorǵaý úshin qol qoıý talaptary engizildi. Budan bylaı árbir jumys berýshi QR tehnologııasyn qoldana otyryp, dıplomnyń túpnusqasy men shynaıylyǵyn teksere alady», - dep jazdy mınıstr Facebook paraqshasynda.

Mınıstrdiń atap ótýinshe, JOO-lardyń bilim baǵdarlamasynyń tizimine 15 myńnan astam baǵdarlama engizildi, onyń 7 myńy - jańa.

«Myqty ýnıversıtetterdi tekserýden bosatý týraly buıryq daıyndaldy. Jumys berýshiler reıtınginde 1-3 oryndardy ıelengen ýnıversıtetter jáne joǵary álemdik reıtıngke engen ýnıversıtetter josparly tekserýlerden bosatylady», - dedi Ashat Aımaǵambetov.