Álemdik rekord: Fýtbolshy 45 mınýt 5 sekýnd boıy dopty qulatpady
ASTANA. QazAqparat - Burynǵy kýbalyq fýtbolshy Erık Ernandes jańa álemdik rekord ornatty.
Ol otyrǵan kúıde dopty basymen soǵyp 43 mınýt 5 sekýnd boıy qulatpaı ustap turǵan. Bul jaıly Kýba telearnasy málim etti.
Ernandes dop soǵýdyń bul túrindegi rekordty buǵan deıin 2016 jyldyń 15 qazanynda jasaǵan bolatyn. Ol kezde dopty aýada 42 mınýt 2 sekýnd boıy ustap turǵan.
Ernandestiń eki jetistigi Gınnestiń rekordtar kitabyna engizildi. Bir mınýt ishinde ol dopty basymen 319 ret, al, 1 saǵat 28 mınýt boıy tek jambasymen soqty. Sportshynyń ózge de qyzyqty jetistikteri barshylyq. Máselen, dopty soǵa otyryp, 17,83 sekýnd ishinde júz metrden júgirip ótse, 7 saǵat 17 mınýt ishinde marafondyq qashyqtyqty eńserdi, sondaı-aq, 19 saǵat 10 mınýt boıy denesiniń barlyq bóligimen dopty soǵa otyryp, qulatpaı ustap turǵan. Ernandes bıylǵy jyly dop soǵý boıynsha taǵy eki rekord jańartatyndyǵyn aıtty. Alaıda, bul joly qandaı óner kórsetetindigi ázirge qupııa.
