Álemdik naryqtaǵy munaı baǵasy kúrt quldyrady
TANA. 29 qyrkúıek. QazAqparat - Munaıdyń álemdik baǵalary budan buryn eleýli óskenimen, 28 qyrkúıektegi saýda qorytyndysynda barreline 3 dollardan astam kemip ketti.
Máselen, Nıý-Iorktegi taýar bırjasynda WTI (Light Sweet) munaıynyń resmı baǵasy 29 qyrkúıektegi saýda qorytyndysymen 3,24 dollarǵa arzandap, barreli 81,21 dollardy qurady, dep habarlady RBK.
Londondaǵy elektrondy taýar bırjasynda Brent munaıynyń resmı baǵasy 3,33 dollarǵa tómendep, barreli 103,81 dollardy qurady.
«Qara altyn» baǵasynyń tómendeýine AQSh-taǵy munaı jáne munaı ónimderi qory jónindegi jańa málimetter de sebepshi boldy. AQSh energetıka mınıstrliginiń aptalyq baıandamasynda 17-23 qyrkúıek aralyǵynda AQSh-ta shıki munaıdyń kommertsııalyq qory 1,92 mln barreldi qurap, 340,96 mln. barrelge jetkeni aıtylady. Budan basqa, baǵaǵa eýroaımaqtaǵy qaryz daǵdarysyna baılanysty jańa kúdikter de sebepshi bolýy múmkin. Atap aıtqanda, ınvestorlardy eýroaımaqta Grekııaǵa kómek berý sharttaryna qatysty qarama-qaıshylyqty pikirler shoshytqan bolsa kerek.
