Álemdik naryqtaǵy energııatasyǵyshtarǵa degen suranys qandaı jaǵdaıda da óse beredi - «Total» kompanııasynyń vıtse-prezıdenti M.Borell
«Biz burynyraq munaı men gazdyń jalpy qory 35 jylǵa ǵana jetedi dep aıtyp keldik. Qazir bul pikirimiz túbegeıli ózgerdi. Sońǵy zertteýler munaı men gaz qoryna slants gazyn qossaq, jalpy qor 100 jylǵa jetetinin dáleldedi. Árıne, bul derekter bizdiń kózqarasymyzdy túbirimen ózgertedi jáne bul jańa qaınar kózder baǵanyń ózgerisin de bildiredi», - dedi M. Borell.
Onyń aıtýynsha, energııa tasymaldaýshylardan basqa, olardyń geografııalyq bólinisi de mańyzdy ról atqarady. Jáne bul álemniń energetıkalyq landshaftyna da óz áserin tıgizedi.
Buryn dástúrli emes kómirsýtekterdiń qory jóninen Taıaý Shyǵys pen Reseı basty nazarda bolyp kelse, endi olardyń qataryna AQSh pen Kanada qosyldy.
M.Boreldiń aıtýynsha, qazirgi kezde ınvestıtsııa týraly sheshimderdi atalǵan jáne basqa da kóptegen faktorlardy eskere otyryp qabyldaıtyn bolǵan.
Máselen, dástúrli emes kómirsýtekterdiń qoryn barlaýǵa dástúrli ken oryndaryn barlaýdan kóri anaǵurlym kóp qarajat jumsalady. Sonymen qatar, olardy óndirýshi kompanııalar da qatal ekologııalyq talaptarǵa kóbirek urynady.
Taǵy bir problema retinde M.Borell dástúrli emes kómirsýtekterden janar maı óndirýdiń de qymbatqa túsetinin atap ótti. Degenmen, kádimgi munaı men gazdy óndirýdiń quny artyp kele jatqandyqtan, bul úderis qaıta qalpyna keletin energııany, ıaǵnı dástúrli emes kómirsýtekterdi óndirýge yntalandyrý bolatyndyǵy belgili.
