Álemdik naryqtaǵy astyq baǵasy kóterilip keledi - A. Mamytbekov
ASTANA. 24 shilde. QazAqparat - Álemdik naryqta astyq baǵasynyń joǵarylaǵandyǵy týraly búgin Úkimettiń selektorlyq otyrysynda Aýyl sharýashylyǵy mınıstri Asyljan Mamytbekov málim etti.
Onyń atap ótýinshe, Halyqaralyq astyq keńesi 2012-2013 marketıng jylyndaǵy álemdik bıdaı óndirý boljamdaryn 665 mln. tonnaǵa azaıtyp, mamyr aıynyń boljamynan 6 mln. tonnaǵa, al byltyrǵy mezgilden 30 mln. tonnaǵa kemitken. Bul AQSh, Eýropalyq odaq, Avstralııa, Argentına, Reseı, Ýkraına syndy negizgi astyq óndirýshi jáne eksporttaýshy elderdegi qurǵaqshylyqqa baılanysty bolyp otyr.
"Sonyń nátıjesine oraı álemdik naryqtaǵy astyq baǵasy 35-89 AQSh dollaryna kóterilip, 315-349 dollarǵa jetti, Qazaqstandaǵy ishki baǵa jyl basynan beri 124-ten 200 AQSh dollaryna kóterildi. Al Qara teńiz porttarynda, 270-ten 315-AQSh dollaryna deıin sharyqtady», dedi mınıstr.
