Álemdik naryqta munaıdyń jetispeýshiligi ázirge sezilip jatqan joq - OPEK
ASTANA. 9 naýryz. QazAqparat - OPEK-ke múshe elder, Lıvııadan álemdik naryqtarǵa jetkizilimi qysqaryp otyrǵan «qara altynnyń» ornyn toltyrý úshin munaı óndirisin arttyrý máselesine qatysty konsýltatsııalardy jalǵastyrýda,
dep habarlaıdy «Maıak» radıostansasy. "Biraq ta, bul másele boıynsha ázirge eshqandaı sheshim qabyldanǵan joq", - dep málim etti jýrnalısterge Kýveıttiń munaı mınıstri Ahmed as-Sabah.
Mınıstrdiń aıtýynsha, álemdik naryqta munaı jetispeýshiligi ázirge sezilmeýde, sondyqtan da onyń jetkizilimin arttyrýǵa qajettilik joq.
Degenmen, mınıstrdiń moıyndaýynsha, tutynýshylar jaǵdaıdyń qazirgideı órbýine alańdaýshylyq bildirýde. "Biraq, aǵymdaǵy ahýaldy talqylaý úshin karteldiń tótenshe sessııasyn shaqyrý týraly da sheshim qabyldanǵan joq", - dep málim etti Ahmed as-Sabah.
