Álemdik naryqta qant baǵasy qymbattady

ASTANA. QazAqparat - Qant shıkizatynyń mamyrdaǵy fıýchersteri qor naryǵynda saýda-sattyq jabylar kezdegi baǵamen salystyrǵanda 9 paıyzǵa ósip, bir fýnty úshin 0,14 dollar shamasynda saýdalanyp otyr. Bul Nıý-Iorktegi ICE Futures US bırjasynyń aqparattarynda keltirilgen.

Bul ósim sońǵy 23 jylda, 1993 jyldyń naýryz aıynan bergi rekordtyq kórsetkish. Sonymen birge ICE Futures Europe naryǵynda aq qanttyń mamyrdaǵy fıýchersteri 6,1 paıyzǵa - 395,9 dollarǵa deıin qymbattady.

Baǵalardyń kúrt ósimine qant tapshylyǵyn boljap otyrǵan Halyqaralyq qant uıymynyń (ISO) málimdemesi sebepshi boldy. Uıymnyń baǵalaýyna sáıkes, tapshylyq 5,02 mln tonna deńgeıde bolady dep kútilýde. Eske sala ketsek, atalmysh uıym qarasha aıynda defıtsıt 3,5 mln tonna deńgeıinde bolady dep boljaǵan edi.