Álemdik naryqta bıdaı men unǵa suranys artty
«Sońǵy 3 jylda astyq ekvıvalentindegi un men astyq eksportynyń ortasha jyldyq kólemi shamamen 9 mln tonnany qurady. «Qazaqstan temir joly» AQ-nyń derekterine qaraǵanda, 10 shildedegi jaǵdaı boıynsha astyq ekvıvalentinde 4,9 mln tonna astyq pen un eksportyn qurady. Atap aıtqanda, Reseı men Ýkraınadaǵy geosaıası jaǵdaıǵa baılanysty álemdik naryqta bıdaı men unǵa suranystyń artýy bul ónimge degen eksporttyń ósýine yqpal etti», - dep atalyp ótken atalǵan vedomstvonyń QazAqparat agenttigine bergen jaýabynda.
Mınıstrliktiń málimetinshe, engizilgen shekteýge jáne byltyrǵy qurǵaqshylyqqa qatysty egin ónimdiliginiń tómendeýine qaramastan, dástúrli túrde ónim ótkiziletin naryqtarda bıdaı men un eksportynyń qarqyny saqtalady.
Budan buryn habarlanǵandaı, Qazaqstan astyq eksporty boıynsha Eýropaly odaq elderiniń jańa naryqtaryna shyǵý joldaryn pysyqtap jatyr.
Aıta keteıik, Qazaqstannan bıdaı men bıdaı unyn syrtqa áketýge shekteýler engizildi.
Aýyl sharýashylyǵy mınıstrliginiń málimetinshe, bıyl astyq shyǵymy byltyrǵydan 15 paıyz joǵary bolýy múmkin.
Maýsym aıynda mınıstrlik Qazaqstandaǵy bıdaı qory jańa eginge deıin jetkilikti ekenin jarııalady.