Álemdik munaı baǵasy óse túsýde
ASTANA. 3 qarasha. QazAqparat - Munaıdyń álemdik baǵasy 2010 jylǵy 2 qarashadaǵy saýda qorytyndysy boıynsha ICE (London) jáne NYMEX (Nıý-Iork) bırjalarynda óse túsýde, dep habarlaıdy resmı BAQ ókilderi.
Brent munaı baǵasynyń resmı baǵasy Londondaǵy InterContinental Exchange Futures Europe (ISE Futures Europe) elektrondy taýar bırjasynda 2010 jylǵy 2 qarashadaǵy saýda qorytyndysy boıynsha 0,79 dollarǵa ósip, 85,41 doll./barr qurady.
WTI munaı baǵasynyń resmı baǵasy Nıý Iorktaǵy (Light Sweet) jedel taýar bırjasynda Nıý-Iorkete New York Mercantile Exchange (NYMEX) 2010 jylǵy 2 qarashadaǵy saýda qorytyndysy boıynsha 0,95 dollarǵa kóterilip, barreline 83,90 dollardy qurady.
