Álemdik munaı baǵasy qymbattady
ASTANA. QazAqparat - London jáne Nıý-Iork bırjalarynda ótip jatqan elektrondyq saýda-sattyqta sársenbi kúni munaıdyń baǵasy aıtarlyqtaı ósti, dep habarlaıdy «QazAqparat» HAA saýda derekterine silteme jasap.
Londonnyń ICE Futures bırjasynda qańtar aıynda jetkiziletin Brent markaly munaıdyń fıýchersteri bir barrelge 0,75 dollarǵa deıin artyp, 63,32 dollarǵa kóterildi.
Nıý-Iork taýar bırjasynda (NYMEX) WTI markaly jeńil munaıdyń qańtar aıyndaǵy fıýchersteri bir barrelge 1,19 dollarǵa qymbattap, 50,66 dollarǵa jetti.
