Álemdik munaı baǵasy artty

ASTANA. QazAqparat - London jáne Nıý-Iork shıkizat bırjalaryndaǵy juma kúngi saýda-sattyqta munaı baǵasy aıtarlyqtaı kóterile tústi, dep habarlaıdy «QazAqparat» HAA tilshisi. 

Londonnyń ICE Futures bırjasynda qańtar aıynda jetkiziletin Brent markaly munaı fıýchersteri 1,36 dollarǵa deıin qymbattap, bir barrel munaıdyń baǵasy 62,72 dollarǵa jetti.

Nıý-Iork taýar bırjasynda (NYMEX) WTI markaly munaıdyń jeltoqsan aıynda jetkiziletin fıýchersteri 1,41 dollarǵa qymbattap, bir barreldiń baǵasy 56,55 dollardy qurady.