Álemdik muhıttyń deńgeıi 20 jylda 11 mıllımetrge kóterildi
ASTANA. 30 qarasha. QazAqparat - Jańa zertteý qorytyndylaryna sáıkes, Jerdegi muzdardyń erý jyldamdyǵy sońǵy 20 jylda birshama artqan.
Ǵalymdar muzdardyń erý saldarynan Álemdik muhıt deńgeıi 11 mıllımetrge kóterilgenin aıtady.
Bul rette polıarlyq muzdardyń erý jyldamdyǵy odan da joǵary bolyp otyr. Bárinen Grenlandııa muzdary tez erýde, onyń artynda Antarktıdanyń batys bóligi kele jatyr. Muz jabynynan bólektengen muz bólikteri iri emes jáne kóptigi sonsha, olardy baqylaý da qıyn bolýda. Ǵalymdar muzdardyń erý jyldamdyǵy týraly qorytyndylardy jerserikterinen alǵan túrli málimetterdi salystyrý negizinde jasady.
