Álemdik kóshbasshylar Tramptyń Iranǵa baılanysty ustanymymen kelispeıdi
ASTANA. QazAqparat - Seısenbi kúni AQSh prezıdenti Donald Tramp Iranǵa qatysty sanktsııalardy qalpyna keltirýge nıetti ekendigin málimdedi. Bul Birlesken keń aýqymdy is-qımyl josparynan (BKІJ) shyǵýdyń alǵashqy qadamy sanalady, dep habarlaıdy QazAqparat tilshisi CNN-ge silteme jasap.
Tramp BKІJ-di «ydyraǵan jáne irip-shirigen» kelisim dep atady. Kóptegen álemdik kóshbasshylar bul ustanymmen kelispeıdi.
Germanııa kantsleri Angela Merkel, Ulybrıtanııa premer-mınıstri Tereza Meı men Frantsııa prezıdenti Emmanýel Makron úshjaqty telefon kelissózderinen keıin birlesken málimdeme jarııalady. Olar úsh memlekettiń «burynǵysha kelisimdi ustanatyndaryn» málim etti.
Málimdemede Iranmen kelisimniń álemdi qaýipsiz orynǵa aınaldyrǵany aıtylǵan jáne AQSh-ty «mámilege baılanysty barlyq basqa taraptardyń ony tolyq júzege asyrýyna kedergi keltiretin is-áreketterden aýlaq bolýǵa» shaqyrdy.
Kóshbasshylar Irandy «AQSh-tyń sheshimine ustamdylyq tanytýǵa» shaqyrǵanyn jáne Irannyń kelisim boıynsha óz mindetterin oryndaýdy jalǵastyrýǵa tıis ekendigin aıtty.
Soǵan qaramastan, Iran prezıdenti Hasan Rýhanı tikeleı efırde AQSh-tyń ıadrolyq kelisim aıasynda óz moınyna alǵan halyqaralyq mindetterin oryndamaǵanyn málim etti. Rýhanı BKІJ-diń BUU Qaýipsizdik Keńesi maquldaǵan kópjaqty halyqaralyq kelisim ekendigin eske saldy.
Foto: imenno.ru
