Álemdik kompanııalar Dımashqa jarnamaǵa túsý usynystaryn jaýdyra bastady

ASTANA. QazAqparat - Qazaq ánshisi Dımash Qudaıbergenge ártúrli kompanııalardan jarnamaǵa túsý týraly usynystar jasalýda. 

Bul týraly tilshilerge Dımashtyń resmı ókili Alpamys Shárimov aıtyp berdi, dep habarlaıdy QazAqparat.

Ánshiniń resmı ókili sondaı-aq Qytaıda Dımashtyń sýreti nege jarnamaǵa aınalǵanyn, al, Qazaqstanda bundaı úrdis nege baıqalmaı jatqanyn túsindirdi.

Onyń aıtýynsha, Qytaıda mıllıardtaǵan halyq turady, sondyqtan, adamnyń sýretin ruqsatsyz paıdalanǵandardy «ańdý» tipti múmkin emes eken.

«Qytaıda buny baqylaý qıyn. Mıllıardtaǵan halyq. Olardyń árqaısysymen sottasý múmkin emes. Sondyqtan, bul beıresmı dúnıeler. Fanattardyń shyǵaryp jatqan dúnıeleri bizge unaıdy», - deıdi ol.

Alpamys Shárimovtiń aıtýynsha, qazir Dımashqa ártúrli kompanııalardan usynystar túsip jatyr. «Brendti kompanııalardan usynystar tústi, qazir kelissózder júrip jatyr. Qorytyndysyn habardar etemiz», - dedi ánshiniń resmı ókili.