Álemdik kınorejısser Aıtmatovtyń shyǵarmasy boıynsha kıno túsirmek
ASTANA. QazAqparat - Álemge tanymal kınorejısser Emır Kýstýrıtsa Shyńǵys Aıtmatovtyń shyǵarmasy boıynsha kıno túsirýge nıetti. Anyqtalǵandaı, bul onyń súıikti avtorlarynyń biri, dep habarlaıdy QazAqparat «Habar 24» telearnasyna silteme jasap.
«Eýrazııa» halyqaralyq kınofestıvaline arnaıy kelgen akter baspasóz ókilderimen kezdesti.
Onyń aıtýynsha, eger otandyq kınoındýstrııa mamandarynan qyzyqty usynys tússe, oǵan qýana kelisedi. Bastysy, jobanyń tárbıelik máni jáne tereń oıy bolýy tıis. Sebebi qazirgi kınolardyń 90 paıyzynyń sapasy tómen eken.
Sondaı-aq Astanaǵa alǵash ret kelgen rejısser el turǵyndaryn bas shaharymyzdyń týǵan kúnimen quttyqtady.
«Men Astanaǵa kelgenime óte qýanyshtymyn. Óz kózimmen kórmesem bar bolǵany 20 jyldyń ishinde osyndaı kórikti qalanyń boı kóterýi múmkin emes der edim. Keshe ushyp kelgennen keıin qala kóshelerin, turǵyndardy kórip erekshe áserge bólendim. Mereıtoılaryńyzben quttyqtaımyn, aldaǵy ýaqytta da erekshe jobalarmen álem jurtshylyǵyn tańǵaldyra berińizder», - dedi Emır Kýstýrıtsa.
