Álemdik qaýymdastyq biryńǵaı antıterrorıstik maıdan qura almaı otyr - Lavrov
MÁSKEÝ. QazAqparat - Máskeýde RF Syrtqy ister mınıstri Sergeı Lavrovtyń 2016 jylǵy dıplomatııa qorytyndylaryna arnalǵan baspasóz máslıhaty ótýde, dep habarlaıdy QazAqparat agenttiginiń Máskeýdegi menshikti tilshisi.
Sharany ashqan Lavrov álem aldynda turǵan terrorıstik qaýiptiń jyl sanap artyp jatqandyǵyna alańdaýshylyq bildirdi jáne halyqaralyq qaýymdastyqtyń oǵan qarsy dármen kórsete alatyn biryńǵaı kúshti qura almaı otyrǵandyǵyna nalydy.
«Qaýip-qater áli seıilgen joq. Eń negizgi qaýip - óziniń qanquıly isin júzege asyryp otyrǵan halyqaralyq lańkestik. Terrorızm máselesi júıeli baǵytqa kóshti. Halyqaralyq qaýymdastyq jumylyp, oǵan qarsy tura alatyn ámbebap antıterrorıstik maıdan qura almaı otyrǵany qynjyltady», - dedi Lavrov.
RF SІM basshysy atap ótkenindeı, bul problema álemge óziniń ǵana qundylyqtaryn engizip, birpolıarly yqpal etý tujyrymdamasyn saqtaýǵa talpynyp júrgen bir jáne birneshe memlekettiń moınyna artylatynyn meńzedi. Lavrovtyń oıynsha, Batystyń qazirgi qundylyqtar júıesi Reseı úshin kelmeıtindigin atap ótti.
«Bul bizdiń atadan balaǵa tarap kele jatqan qundylyqtarymyzǵa túbegeıli saı kelmeıdi. Biz ony ary qaraı da saqtap, ózimizdiń keıingi býyndarymyzǵa da taratýǵa qulyqtymyz. Syrtqy saıası aıqastardyń ortalyǵy bizge jáne kóptegen ózge de elderge jańa batys qundylyqtaryn qabyldaýǵa talap qoıatyny, adamdyq kózqaras boıynsha tym ádepsiz kórinedi, al kásibı halyqaralyq maman kózqarasy boıynsha, bul tipti úlken qatelik jáne halyqaralyq qarym-qatynastaǵy óziniń yqpalyn asyra baǵalaýshylyq bolyp sanalady», - dep túıdi oıyn RF SІM basshysy.
