Álemdik qarjylyq daǵdarys Qazaqstan úshin ıgilik bola alady
ASTANA. QazAqparat - Álemdik qarjylyq daǵdarys Qazaqstan úshin ıgilik bola alady. Mundaı pikirdi búgin QR Prezıdenti janyndaǵy Ortalyq kommýnıkatsııalar qyzmetinde «Jahandyq jańa ekonomıkalyq syn-qaterler» atty dóńgelek ústel otyrysynda Qazaqstannyń strategııalyq zertteýler ınstıtýtynyń bas ǵylymı qyzmetkeri Vıacheslav Dodonov bildirdi.
«Áleýetti nemese qazirgi álemdik qarjylyq daǵdarys jaǵdaıynda taǵy bir qyzyqty aspekt bar. Qazaqstan úshin tosyn bolsa da, mundaı daǵdarystyń oń jaǵy bar. tipti ony ıgilik dep te ataýǵa bolady. Nege? Óıtkeni, jańa daǵdarys jáne damyǵan elderdiń qarjy naryǵynyń kúıreýi oryn alatyn bolsa, onda ol damyǵan elderdiń ortalyq bankterin, birinshi kezekte AQSh Federaldy rezervtik júıesin barynsha belsendi qımyldaýǵa májbúrleıdi. ıAǵnı, mundaı stsenarıı barysynda Federaldy rezervtik júıe sońǵy birneshe jyl boıy júzege asyryp kele jatqan «sandyq jumsartý» dep atalatyn monetarlyq yntalandyrý baǵdarlamasyn taǵy qosýyna týra keledi dep boljaýǵa bolady. Al bul aqsha mundaı kólemde AQSh-tyń qarjylyq júıesine túsetin bolsa, onda onyń bir bóligi alaıaqtyq arnalar arqyly taýar naryǵyna quıylady. Osylaısha, bizdiń munaıymyzdyń baǵa belgileýiniń joǵarylaýyna túrtki bola alady», - dedi V.Dodonov.
Sonymen qatar sarapshy óz sózinde Qazaqstan osy jolǵy álemdegi daǵdarys barysynda munaı baǵasynyń quldyraýy saldarynan aýyr soqqysynan ótkenin atap ótti.
