Álemdik Internettiń kiltin alty adam aldy
ASTANA. Shildeniń 28-i. QazAqparat - Internetti ártúrli sebepterge baılanysty álemniń kez kelgen elinde «kesip tastaý» múmkindigi nemese jer júziniń belgili bir aımaǵyn aıyryp tastaýǵa bolatyn bolsa, kerisinshe, basty jelige «jan bitiretin» arnaıy komanda da paıda boldy. Osyndaı mamandandyrylǵan bólimsheniń alty adamy álemdik Internettiń «kiltin» aldy, dep habarlaıdy Rambler jańalyqtar portaly.
Internettiń toqtap qalýy mynadaı jańa qaýipsizdik júıesi boıynsha qarastyrylady: Domain Name System Security Extensions (Domen ataýyn qaýipsiz keńeıtý júıesi). Ol osy aıdyń ishinde iske qosyldy. Onyń kómegimen álemdik Internetti kez kelgen tótenshe jaǵdaılarda aıyryp tastaýǵa bolady. Máselen, tehnologııalyq apattar, nemese telekommýnıkatsııalyq nysandarǵa lańkestik shabýyldar kezinde, tótenshe jaǵdaılarda.
Bul toptyń ár múshesi, Internet toqtap qalǵan jaǵdaıda, ony qaıta iske qosýǵa múmkindik beretin kod fragmentterine ıe.
