Álemdik hıt jazǵan Qazaqstan turǵynyn joǵary oqý ornyna mentor bolýǵa shaqyrdy
Atalmysh joǵary oqý ornynda ІT-den qosymsha kýrstar ártúrli mamandyqta oqyp jatqan stýdentterge arnalady.
Tsıfrlyq dybys operatory, SMM, web-ázirleýshi, vıdeoprodakshn, keskindeme jáne dızaın sııaqty qosymsha mamandyq alyp shyǵýdyń joly ashyldy.
Imanbek Toraıǵyrov ýnıversıtetine tsıfrlyq mýzyka mentory bolýǵa shaqyrylǵan.
«Mysaly, Imanbek Zeıkenov sııaqty tasymaldaý, qozǵalys jáne kólik quraldaryn uıymdastyrý mamandyǵyn oqısyz. Sonymen qatar tsıfrlyq dybys operatory mamandyǵyn qosymsha meńgerýińizge bolady emese ózińizdiń áýestigińiz boıynsha kýrs bitirip alýǵa bolady», - deıdi joǵary oqý ornyndaǵylar.
Toraıǵyrov ýnıversıtetiniń rektory Meıram Begentaev Facebook -tegi paraqshasynda bakalavrıatqa arnalǵan qosymsha bilim baǵdarlamasynyń modýlin jasaýǵa kómektesken jáne jańa maınordyń mentory bolýǵa kelisim bergen Imanbek-ke alǵys aıtty.
Eske sala ketsek, «Gremmı» 63-mýzykalyq syılyǵynyń nomınanty Imanbek YouTube jelisine SAINt JHN oryndaıtyn Roses ániniń remıksin salǵannan keıin álemdik deńgeıde tanymal boldy.
Vıdeo 117 mıllıonnan astam qaralym jınap, U.S. Billboard Hot 100 reıtinginde úzdik úshtikke kirdi. Reper Karlos Sent-Djon oǵan osy remıks úshin alǵys aıtty. Vıdeo @videogram_kaz-da jarııalandy.
