Álemdik Gran-prı serııasynda el namysyn Nursultan Mamaev qorǵaıtyn boldy
ASTANA. QazAqparat - Taekvondodan birinshi Gran-prı serııasynda baq synaıtyn sańylaqtar tizimi jarııalandy.
Olımpıada men álem chempıonatynan keıingi eń bedeldi jarystyń alǵashqy kezeńi Máskeý qalasynda 14-16 tamyz aralyǵynda ótedi. Ókinishke oraı, Búkilálemdik Taekvondo Federatsııasy (WTF) jarııalaǵan tizimde jalǵyz ǵana qandasymyz bolyp shyqty. Ol 2014 jyldyń úzdik qazaq taekvondoshysy, sońǵy jyldary Qazaqstan ulttyq quramasynyń kóshbasshysyna aınala bilgen Nursultan Mamaı.
Esterińizge sala keteıik, jyl saıyn úsh Gran-prı serııasy, sondaı-aq osy baıraqty dodanyń fınaly ótkiziledi. Bul bedeldi jarysta mańyzdy reıtingilik upaı sanyn jınap, álemdik tizimdegi úzdik 32 sańylaq qataryna kirgen eń tájirıbeli sportshylar qatysa alady. Nursultan Mamaı bul tizimde 58 keli salmaq dárejesine deıin 23-shy orynda. Qandasymyz Rıo-2016 oıyndaryna qatysýǵa birden-bir úmitker. Olımpıada lıtsenzııalary bul kez-kelgen Federatsııa men kásipqoı sportshynyń basty maqsaty ekeni aıdan anyq.
Máskeý qalasyna Nursultan Mamaı Pekın Olımpıadasynyń júldegeri, Qazaqstan Taekvondo Federatsııasynyń sport dırektory Arman Chılmanovtyń jetekshiliginde attandy.
