Álemdik fýtbol juldyzdarynyń oıynyna bıletti 2 myń teńgege satyp alýǵa bolady

ASTANA. QazAqparat - 5 tamyzda elordadaǵy «Astana Arena» stadıonynda bastalatyn «EXPO 2017 Football Cup» týrnıriniń matchyna bılet 2 myń teńgeden satylady. 

Sol bıletpen keshki ýaqytta «EKSPO-2017» kórmesin de aralaýǵa bolady, dep habarlaıdy «QazAqparat» HAA tilshisi.

«Búgin biz resmı túrde bılet satýdy bastaımyz. Bıletterdi EKSPO-2017 halyqaralyq kórmesiniń resmı saıty arqyly alýǵa bolady. «Astana Arena» stadıonyna «EXPO 2017 Football Cup» týrnıriniń matchyna alynǵan bıletpen saǵat keshki 18:00 ýaqytynan keıin EKSPO-2017 kórmesine kirýge bolady. Demek, fýtbolǵa bılet alǵan adam keshki ýaqytta sol bıletpen kórmeni de tamashalaı alady», - deıdi «Astana EKSPO-2017» Ulttyq kompanııasy» AQ Týrızm jáne damytý departamentiniń dırektory Allen Shaıjúnisov.

Eske sala ketsek, EKSPO-2017 kórmesi aıasynda 5 tamyz kúni elordanyń «Astana Arena» stadıonynda «EXPO 2017 Football Cup» halyqaralyq fýtbol týrnıri bastalady. Elordalyq stadıonda Qazaqstan, Reseı, Italııa, Germanııa, Portýgalııa qurama komandalary men álem quramasy oınaıdy. Týrnırde Dıno Badjo, Marko Delvekkıo, Nýný Manıshe, Jan-Per Papen, Roman Shırokov, Valerıı Karpın, Aleksandr Fılımonov syndy álemdik fýtboldyń ardager juldyzdary óner kórsetedi.