Álemdik ekonomıkanyń ósimi báseńdeıdi
NUR-SULTAN. QazAqparat - Halyqaralyq valıýta qory 2019 jylǵy álemdik JІÓ ósimi báseńdeıtinin boljap, ony irgeli elder ekonomıkalaryndaǵy keleńsiz ózgeristerdiń saldary dep túsindirdi. Bul týraly QazAqparat HVQ resmı saıtyna silteme jasap habarlaıdy.
Boljamǵa sáıkes, Ulybrıtanııa jáne eýroaımaq elderiniń JІÓ ósimi 0,3%, AQSh-ta 0,1% báseńdeıdi.
HVQ sáýirdegi «Álemdik ekonomıkanyń perspektıvalary» atty sholýynda álem elderiniń 70 paıyzynyń ekonomıkasy sońǵy onjyldyqta eń tómengi kórsetkishke - 3,5%-dyń ornyna 3,3%-ǵa túsetindigin atap ótken. Degenmen 2020 jyly ósim buryn jasalǵan boljamǵa sáıkes 3,6% bolýy tıis.
Ósimniń báseńdeýine ákep soqtyratyn basty sebepterdiń biri «breksıt» bolýy múmkin. Sondaı-aq QHR ekonomıkasynyń ósý qarqynynyń báseńdeýi men halyqaralyq saýda saıasatyndaǵy jaǵdaıdyń shıelenisýi de buǵan zor áserin tıgizbek.
