Álemdik ekonomıka shyńyraý erneýinen keıinge shegindi - HVQ basshysy Krıstın Lagard
BEIJІŃ. 18 naýryz. QazAqparat - Álemdik ekonomıka saýyǵý jolyna shyǵa alady, degenmen bul oraǵytýǵa arnalǵan shaǵyn ǵana keńistik ári bul jerde saıası qatelikke boı aldyrýǵa bolmaıdy.
Bul týraly búgin Beıjińde Damý-2012 qytaı forýmynyń ashylý saltanatynda halyqaralyq valıýta qorynyń basshysy Krıstın Lagard aıtty.
Onyń atap ótýinshe, buǵan deıingi birneshe jyl álemniń kóptegen elderi úshin qıyn boldy. Tipti osydan birneshe aı buryn ǵana jaǵdaı óte bulyńǵyr edi. 2011 jyldyń sońǵy toqsanyndaǵy kórsetkishter, ásirese, Eýropa men AQSh úshin aıtarlyqtaı senimdilik uıalata alǵan joq.
Ujymdyq kúsh-jigerdiń arqasynda álemdik ekonomıka shyńyraý erneýinen keıinge shegindi. Degenmen de barlyq memleketterdiń birlesýi qajet birqatar ekonmıkalyq ári qarjylyq probelmalar bar.
Birinshiden, qarjy júıesi áli de bolsa álsiz jáne ekonomıkasy damyǵan kóptegen elderde memlekettik jáne jeke qaryzdar óte kóp saqtalýda.
Ekinshiden, munaı baǵasynyń artýy jahandyq ekonomıkalyq ósimge qater tóndirip tur.
Úshinshiden, ortasha merzimdi bolashaqta damýshy elderdegi ekonomıkalyq belsendiliktiń tómendeý táýekeli artyp keledi.
