Álemdik ekonomıka Ekinshi dúnıejúzilik soǵystan keıingi eń tómen quldyraýǵa tap boldy
«Koronavırýs indetiniń saldary damyǵan jáne damýshy elder ekonomıkasynyń rekordtyq tómendeýine alyp keldi. Bıylǵy ekinshi toqsanda AQSh-tyń ishki jalpy ónimi (ІJÓ) ótken toqsanǵa qaraǵanda 9,5 paıyzǵa, Eýroodaqta - 14,4 paıyzǵa, onyń ishinde Ispanııada - 18,5 paıyzǵa, Germanııada 10,1 paıyzǵa tómendedi», - dedi UB basshysy.
Dúnıejúzilik banktiń baǵalaýy boıynsha, álemdik ekonomıka Ekinshi dúnıejúzilik soǵystan keıingi eń tómen quldyraýǵa tap boldy, ol bıyl jyldyń sońyna qaraı 5,2 paıyzǵa tómendeýi múmkin.
«Soǵan qaramastan, álemniń iri ekonomıkalary bıznes pen halyqty qoldaýǵa arnalǵan aýqymdy memlekettik shyǵyndar esebinen álemdik ekonomıkanyń quldyraýdan ótýi men jandana bastaýy týraly málimdeýde. Qytaı, Eýroodaq (EO) elderi jáne AQSh-tyń ónerkásiptegi iskerlik belsendilik kósetkishteri aıtarlyqtaı jaqsarǵany tirkeldi», - dedi E. Dosaev.
Ekonomıkalardyń birtindep qalpyna kelýi jáne energııa resýrstaryn tutynýdyń ósýi aıasynda bıylǵy shildede munaı baǵasy bir barrel úshin 41,2 AQSh dollarynan 43,3 AQSh dollaryna deıin 5,2 paıyzǵa ósti.
«Bul rette álemdik ekonomıkanyń qalpyna kelýine qaramastan, álemde koronavırýstyń ekinshi tolqynynyń qaýpi saqtalýda. Osy jylǵy shildede koronavırýs taralýynyń ósýine baılanysty syrtqy naryqtarda belgisizdik jaǵdaıy oryn aldy. Bul ınvestorlardyń ekonomıkalyq perspektıvalarǵa qatysty alańdaýshylyǵyn arttyrdy jáne altyn sııaqty qorǵanys aktıvteri qunynyń ósýine, sondaı-aq damýshy elder valıýtalarynyń álsireýine alyp keldi», - dep túsindirdi UB tóraǵasy.