Álemdik ekonomıka damýynyń kez kelgen stsenarııine daıyn bolýǵa tıispiz - Á.Jaqsybekov

ASTANA. QazAqparat - Álemdik ekonomıka damýynyń kez kelgen stsenarııine daıyn bolýǵa tıispiz. Bul týraly búgin elordanyń ekonomıkasyn jaqsartýǵa arnalǵan jospardy talqylaý barysynda Astana qalasynyń ákimi Ádilbek Jaqsybekov aıtty.

«Álemdik ekonomıkalyq ahýalǵa qatysty boljamnyń qolaıly emes ekendigi belgili. Sarapshylardyń baǵalaýynsha, bul úrdis taıaý jyldardyń ishinde saqtalatyn bolady. Biz onyń damýynyń kez kelgen stsenarııine daıyn bolýǵa tıispiz», - dedi qala basshysy.

Osy rette ol álemde oryn alýy múmkin qıyndyqtarǵa qaramastan, Elbasy barlyq qabyldanǵan áleýmettik mindettemeler tolyq kólemde oryndalýy tıistigin tapsyrǵanyn eske saldy.

«Bul máselege qatysty Ult kóshbasshysynyń Úkimettiń sońǵy keńeıtilgen otyrysynda bergen tapsyrmalary bar. Biz taıaý bolashaqta basshylyqqa alýǵa tıisti naqty baǵdarlar men basymdyqtar belgilendi», - dedi Á.Jaqsybekov.