Álemdik dinder sezi konfessııalar arasynda syndarly dıalog qalyptastyra aldy - Q. Mámı
Búgin Parlament Senatynyń jalpy otyrysynan soń brıfıng ótkizgen Senat Tóraǵasy Qaırat Mámı osylaı málim etti.
Cóz arasynda spıker osydan on jyl buryn Memleket basshysy N. Nazarbaevtyń bastamasymen Astanada Álemdik jáne dástúrli dinder basshylarynyń alǵashqy otyrysy ótkenine toqtaldy. «Búgingi kúni on jyldyq jumysty jáne Astanada ótip kelgen Álemdik dinder basshylarynyń 4 márte sezin qorytyndylaı kele, biz túrli din ókilderi, túrli konfessııalar arasynda syndarly dıalog qalyptasty dep aıta alamyz. Qazirgi tańda sezdiń naqty maqsat-mindetteri aıqyndaldy. Bulardyń bastysy dinder arasyndaǵy, órkenıetter arasyndaǵy dıalogty ilgeriletý bolyp tabylady», - dedi spıker Q. Mámı.
Toqtala ketetin jaıt, dástúrge saı Qazaqstan Senatynyń Tóraǵasy Álemdik jáne dástúrli dinder sezi Hatshylyǵynyń tóraǵasy bolyp tabylady.
«Osy qyzmet aıasynda men Sezdiń 10 jyldyq mereıtoıyna ázirlik boıynsha birqatar elderde bolyp qaıttym. Vatıkanda, Avstrııada, Japonııada, AQSh-ta, Ázerbaıjanda delegatsııamen bolyp, onyń barlyǵynda Qazaqstandaǵy álemdik Sezd qyzmetine arnalǵan dóńgelek ústelder ótkizildi. Al aldaǵy qyrkúıek aıynyń sońyna qaraı, Sezd hatshylyǵynyń 12-i otyrysy ótedi dep josparlanýda. Sol otyrysta biz jetistigimizdi ǵana emes, keleshek josparlardy, forýmnyń kelesi basqosýynyń taqyrybyn talqylaımyz», - dedi Q. Mámı.
