Álemdik din basshylary sezi ultaralyq kelisim ıdeıasynyń júzege asý jolyn aıqyndap berdi
A. Jeltoqsannyń 2-si. QazAqparat /Qanat Mámetqazyuly/ - Álemdik din basshylary sezi ultaralyq kelisim men konfessııaaralyq tatýlyq ıdeıasynyń júzege asý jolyn aıqyndap berdi. Búgin elordada ótip jatqan Álemdik jáne dástúrli dinder basshylary sezi hatshylyǵynyń ІH otyrysynda sóz sóılegen Saýd Arabııasy Koroldigi Islam isteri jónindegi mınıstr keńesshisi, doktor Madjıd Ábdýláziz at‑Túrkı osylaı málim etti,
dep habarlaıdy QazAqparat.
«Biz Memleket basshysy N. Nazarbaevtyń dana sheshimimen júzege asyp otyrǵan sezd hatshylyǵynyń, Qazaqstan Úkimetiniń úlken ári mańyzdy rólin joǵary baǵalaımyz. Osyndaı sharalardyń, ıgi qoldaýdyń nátıjesinde jaǵymdy atmosfera qalyptasyp, bizdiń álem elderi men etnostaryn tolǵandyratyn problemalardy talqylaýǵa arnalǵan jumysymyz jalǵasyn tabýda. Bul turǵyda Qazaqstan bir‑birimen jaýlyqta otyrǵan kóptegen halyqtar men memleketter arasyna óziniń dinaralyq kelisim ıdeıasyn taratyp otyr. Al Álemdik din basshylarynyń basyn qosatyn sezd ultaralyq jáne konfessııaaralyq kelisim ıdeıasyn júzege asyrýdyń naǵyz jolyn aıqyndap berdi», dedi at‑Túrkı.
