Álemdik derjavalar qazaqstandyq ónertapqyshtardy ańdyp otyrady - mınıstr Beketaev
QR Ádilet mınıstri Marat Beketaevtyń aıtýynsha, atalǵan tizimdi álemdik derjavalar únemi qarap otyrady. "Saıtta biryńǵaı reestr bar. Ol jerde barlyq aqparat jarııalanbaıdy. Jalpy málimetter ǵana beriledi. Osy oraıda qyzyqty bir jaıtty aıta ketken jón. Atalǵan resýrsty qazaqstandyqtar emes, amerıkalyqtar jıi aqtaryp otyrady. Bul degenimiz, AQSh Qazaqstandaǵy ónertapqyshtardyń jetistikterin jiti baqylap keledi degen sóz. Odan keıin Reseı, al úshinshi orynda Qytaı tur. Biz sonyń bárin IP arqyly qosylýdan kórip otyrmyz", - dedi M.Beketaev Astanada ótken baspasóz máslıxatynda.
Mınıstrdiń aıtýynsha, ónertabystyń kommertsııalyq paıdasy zor bolsa, ony xalyqaralyq tirkeýge qoıǵan jón. Atalǵan sharalar Jeneva qalasyndaǵy Dúnıejúzilik zııatkerlik menshik uıymynda jasalady. Qazaqstanda xalyqaralyq tirkeý jaǵynan ulttyq zııatkerlik menshik ınstıtýty kómektese alady. Jalpy, xalyqaralyq tirkeýge bir jyl ketýi ábden múmkin. Degenmen, ónertapqysh óziniń zııatkerlik quqyǵyn kez kelgen ýaqytta dáleldeı alady. Ol úshin syzba-nusqalardy, kompıýterdegi faıldardy jáne taǵy basqa dálelderdi kórsetý kerek. Osylaısha, tirkeýge kóp ýaqyt ketse de, sot arqyly ónertapqysh óz avtorlyǵyn qorǵaı alady.
Aıta keteıik, búgin mınıstr xalyq aldynda esep berdi. Mınıstr sot oryndaýshylarynyń qyzmetine qatysty zań jobasynyń Parlamenttiń qarýynda jatqanyn jetkizdi. "Atap aıtqanda, sot oryndaýshylarynyń qyzmetine sanktsııa salýdy qysqartý týraly usynys bar. Bylaısha aıtqanda, atalǵan ınstıtýtty damytý sharalary jalǵasa beredi. Sot oryndaýshylaryn jaýapkershilikke tartý tetikteri de qalady. Biraq ókilettilikterdiń biraz bóligi sottan sot oryndaýshylaryna beriledi", - deıdi M.Beketaev. Budan bólek, Bas zańger páter satyp alamyn deýshilerge keńes berdi. Mınıstrdiń aıtýynsha, shetelge shyǵýǵa qoıylǵan shekteýdi alyp tastaýdyń naqty merzimi bekitildi.