Álemdik derjavalar qarýlaný jarysyna qaıta oralýy múmkin

ASTANA. QazAqparat - Álemdik derjavalar qarýlaný jarysyna qaıta oralýy múmkin. Bul týraly búgin elordada ótip jatqan Astana klýbynyń jalpy otyrysynda QR Prezıdenti Nursultan Nazarbaev aıtty, dep habarlaıdy QazAqparat tilshisi.

«Teketirestiń kúsheıýi qaýipsizdikti damytýdyń jahandyq ınstıtýttarynyń tıimdiligi máselesin kóterip otyr. Búgingi kúnniń basty trendi ekinshi dúnıejúzilik soǵystan keıin paıda bolǵan strategııalyq turaqtylyq negizderiniń shatqaıaqtaýy sanalady», - dep atap ótti Elbasy.

Memleket basshysy shaǵyn jáne qysqa qashyqtyqtaǵy zymyrandardy joıý boıynsha ýaǵdalastyqqa qatysty ahýaldyń da kúrdelene túskendigin basa aıtty.

«2021 jylǵa deıin kúshinde bolatyn strategııalyq shabýyldaýshy qarý-jaraqtardy qysqartý týraly shartty uzartýǵa qatysty máseleniń jaı-kúıi de «bógelý» jaǵdaıynda qalyp otyr. Shaǵyn jáne qysqa qashyqtyqqa arnalǵan zymyrandardyń ydyraýy jáne strategııalyq shabýyldaýshy qarý-jaraqtardy qysqartý týraly shartty uzartýdaǵy problemalar is júzinde qarýlanýdy baqylaý júıesin kúıretedi. Álemdik derjavalar qarýlaný jarysyna qaıta oralýy múmkin. Adamzat óz urpaǵynyń bolashaǵyna jáne búgingi kezeńde alańdaýshylyq tanytýda», - dedi Nursultan Nazarbaev.

Aıta keteıik, Elbasy jıyn barysynda Úlken Eýrazııanyń sulbasy qalyptasyp kele jatqanyn aıtyp, Reseı, AQSh jáne Qytaı arasyndaǵy geosaıası básekelestikke alańdaýshylyq tanytty.