Álemdik deńgeıdegi sportshylar Aqtaýda basqosady

AQTAÝ. QazAqparat – Aqtaýda búgin álemdik deńgeıdegi sportshylardyń qatysýymen ótetin aptalyq bastalady, dep habarlaıdy QazAqparat tilshisi.

Maqsat – Mańǵystaý óńiriniń týrıstik potentsıalyn arttyrý, jastardyń sportqa degen qyzyǵýshylyǵyn yntalandyrý.

«Naiza 41 h Eagle» 48 birikken týrnırin «DAR» kompanııalar tobynyń qoldaýymen ótkizedi. Shara aıasynda óńirdiń beldi chempıondary, sportshylary men jattyqtyrýshylarynyń qatysýymen túrli sheberlik saǵaty, ashyq jattyǵýlar jáne motıvatsııalyq kezdesýler uıymdastyrylady. Olardyń qatarynda UFC sheberleri Shavkat Rahmonov, «DAR Team» komandasynyń koýchtary - Azız Razyev pen Edýard Bazrov bar. Sondaı-aq, «Naiza» lıgasynyń chempıondary – Álibı Ydyrys, Nıkolaı Samýsev, Ildar Qudaıbergenov, pankratıonnan álem chempıony Muratbek Qasymbaı, Ǵalymjan Jasulanov qatysady», - deıdi «Naiza» lıgasynyń prezıdenti Nurbek Qarabala.

Al, sport basqarmasynyń basshysy Qanat Jumabaevtyń aıtýynsha, aptalyq aıasynda oblystyq basketbol federatsııasynyń qoldaýymen regboldan oıyn jáne «Run Club Aktau» klýbynyń qatysýymen teńiz jaǵalaýynda júgirýden jarys uıymdastyrylady. Teńiz jaǵasynda bolatyn júgirýge, barlyq nıet bildirýshiler qatysa alady.

Sondaı-aq, beldi reseılik «Eagle fc» lıgasynyń prezıdenti Shamıl Zavýrovtyń sheberlik saǵaty ótedi.

15 shilde kúni QR Prezıdenti janyndaǵy jastar saıasaty keńesiniń múshesi, jas kásipker Damır Amanjoldyń qatysýymen forým uıymdastyrylmaq. Týrnırdiń qurmetti qonaǵy bolyp, UFC chempıony Habıb Nýrmagomedov keledi dep josparlanyp otyr.