Álemdik deńgeıdegi Quran jarysynyń jeńimpazdary aqshalaı syılyqtarǵa ıe boldy
ASTANA. QazAqparat - Máskeýde ótken álemdik deńgeıdegi Quran oqýdan jarysta ırandyq Mýsa Motamedı jeńiske jetti. "Krokýs Sıtı Holl" kontsert zalynda ıslamdyq mátindi jatqa oqýshylar álemniń 44 elinen jınaldy. Olardyń arasynda Germanııa, Anglııa jáne AQSh ókilderi de bar, dep habarlaıdy TASS.
Baıqaýda ekinshi orynda Iemennen kelgen Zaıd Abdýlatıf Abdýlla ál-Sanaanı, úshinshi oryndy Tanzanııadan kelgen Omarı Abdalla Salım aldy. Jeńimpazdarǵa aqshalaı syılyqtar beriledi. Onyń eń joǵary mólsheri - $5 myń kóleminde. Jarysqa qatysýshylar Quran aıattary men súrelerin jatqa oqydy. Ár qatysýshy Quran mátininiń alǵashqy joldary jazylǵan bıletterdi sýyryp alyp, ony tóreshiler toqtatqansha jatqa aıtyp berdi. Qazylar quramyna Iordanııa, Reseı, Brýneı, Mysyr, Iemen elderiniń ókilderi endi. Mereke qonaqtary úshin úsh ret Umra qajylyǵyna barý oınatyldy. Múftı kezdeısoq nómirler arqyly zaldan jeńimpazdardy anyqtady.
