Álemdik deńgeıdegi kardıohırýrgter Qazaqstanda 40-qa jýyq balaǵa ota jasaıdy
ASTANA. QazAqparat - Álemdik deńgeıdegi kardıohırýrgter Qazaqstanda júrektiń túrli aqaýymen týǵan 40-qa jýyq balaǵa ota jasaıdy. Olardyń qatysýymen sheberlik synyby Astanada 13-20 mamyr aralyǵynda Ulttyq ǵylymı medıtsınalyq ortalyq bazasynda ótedi. Qazir naýqastar iriktelýde.
Bul týraly «UǴMO» AQ balalar kardıohırýrgııalyq bóliminiń basshysy Shýhrat Marasýlov habarlady.
«Ulttyq ǵylymı medıtsınalyq ortalyǵy» AQ baspasóz qyzmeti habarlaǵandaı, Qazaqstan astanasyna balalar beıinindegi kardıologııa jáne kardıohırýrgııa salasyndaǵy 20-ǵa jýyq maman keledi.
Marasýlovtyń atap ótkenindeı, mundaı deńgeıdegi sheberlik synyptary budan buryn da ótkizilgen. Al otaǵa deıingi jáne keıingi kezeńderi mamandaryn tolyqtaı tartýmen sheberlik synyby alǵash ret ótýde. Komanda quramyna Saýd Arabııasy, Iordanııa, Reseı, Qurama Shtattar, Ońtústik Afrıkadan joǵary bilikti mamandar keledi. Barlyq ota tegin.
