Álemdik boks keshi: Qazaqstandyqtar jeńisti eseledi
Shúmenovtiń boks keshinde taǵy bir nokaýt bola ma? Baýyrjan sharshy alańǵa shyǵyp kele jatqan kezde boks kórermenderin osy suraq mazalap turǵan edi. Qazaqstandyq boksshylardyń osy keshtegi nokaýt dástúrin jalǵastyrý úshin qazaqstandyq boksshy birden shabýylǵa basty. Grýzın qarsylasynyń qarqynynan shydap baqty. Aıqastyń birinshi raýndy qyzý bastalyp, gúrji boksshysy shabýyldan kende qalǵan joq. Biraq, onyń shabýyldary kózdegen mejege jetti dep eshkim aıta almas edi. Urymtal sátterdiń birinde Baýyrjannyń aýyr soqqylarynan Blııadze eseńgirep qaldy. Kezdesýdiń birjolata aıaqtalýynan grýzındi gong qutqarǵan edi.
Ekinshi raýnd bastalǵanda Momynov taǵy bir soqqymen Blııadzeni nogdaýnǵa jiberdi. Dese de, aıqas aıaqtala qoıǵan joq. Blııadze jeńistiń qolynan sýsyp bara jatqanyn sezinip, ózi de shabýyldaýǵa tyrysqanymen, qazaqstandyq boksshynyń qarqynyna laıyqty jaýap bere almady. Dese de, ekinshi raýnd nokaýtsyz aıaqtaldy.
Úshinshi raýndqa kelgende grýzınniń ekinshi demi ashylǵandaı boldy. Baýyrjannyń soqqylaryna laıyqty jaýap bere bastady. Tek besinshi raýnd degende ǵana Baýyrjan Momynovtyń oılaǵany oryndaldy. Shalt qımyldardyń jasap, qarsylasyn qaqyrata soqqan Baýyrjan Blııadzeni tizerletip tastaǵan-tyn. Qazaq boksshysynyń soqqysyna shydamaǵan grýzın tizerlep otyryp, eriksiz aýyzdaǵy kapasyn laqtyrýdan basqa amaly qalmady.
Osylaısha, Baýyrjan Momynov kásipqoı bokstaǵy jetinshi jeńisine jetti.