Álemdik bank: Týnıstiń eks-prezıdentiniń «Otbasy» el kirisiniń 21%-yn qaltasyna basqan
ASTANA. QazAqparat - Týnıstiń eks-prezıdenti Zın el-Abıdın ben Alı men onyń mańaıyndaǵylarmen baılanysy bar 220-ǵa jýyq fırma jyl saıyn eldegi kompanııalar kirisiniń 21%-yna, ıaǵnı $233 mln (0,5% JІÓ) qarjyǵa qol suqqan. Bul Týnıste, Mysyrda revolıýtsııanyń bolýyna yqpal etken, dep jazdy RBK Álemdik bankke silteme jasap.
Álemdik bank ben Alı fırmalary árdaıym óz básekelesteriniń aldynda bolǵan. Bılik etken 16 jylynda eks-prezıdent 45 túrli sektordaǵy lıtsenzııalyq talaptardy jáne 28 sektordaǵy tikeleı sheteldik ınvestıtsııa quıý boıynsha jańa shekteýler týraly 25 jarlyqqa qol qoıǵan. Álemdik bank sarapshylarynyń paıymynsha, bul óz fırmalaryn básekelestikten qorǵaý men iri paıda tabý úshin jasalǵan shara.
Kóterilisten keıin Týnıstiń jańa bıligi ben Alı aktıvterin tárkiledi. Onyń ishinde 550 múlik nysany, 48 keme men qaıyq, 40 aktsııalar portfeli, 367 bank shoty men 400-ge jýyq kásiporyn bolǵan. Komıssııa bul aktıvterdiń jalpy qunyn $13 mlrd. nemese Týnıstiń 2011 jylǵy JІÓ-niń 25%y deńgeıinde baǵalady, delingen baıandamada.
Týnıste esep berý sapasyn arttyrý úshin derekter men aqparattarǵa qoljetimdilik aıasyn keńeıtý josparlanýda. Alaıda kóterilisten keıingi 3 jylda ben Alı kezindegi ekonomıkalyq júıe asa ózgermedi, deıdi Álemdik bank.
2011 jyldyń basynda Taıaý Shyǵys pen Soltústik Afrıkadaǵy birqatar arab elderinde buqaralyq narazylyq oryn aldy. Júzdegen adam áleýmettik ádildikti jáne basshylarynyń ornynan ketýin talap etip shyqty. Nátıjesinde ben Alı qyzmetten qulatylyp, Saýd Arabııasyna qashty. Mysyrda 30 jyl el basqarǵan prezıdent Múbarak 2011 jyldyń aqpanynda qyzmetten ketti.
