Álemdik avtosporttyń juldyzdary Qazaqstanǵa keletin boldy
ASTANA. QazAqparat - Qazaqstanda rallıden Álem kýbogi ótedi. Bul týraly «Astana Motorsports» komandasynyń kapıtany Artýr Ardavıchýs málim etti.
«Búgin mine, Qazaqstanda Álem kýboginiń kezekti kezeńi ótkiziletini týraly sheshim qabyldandy. Bul álemdik avtosport úshin úlken jańalyq»,-dedi ol OKQ-de ótken báspasóz máslıhatynda.
Sonymen qatar ol jyl saıyn álemniń túrli qurlyqtarynda aqpan men qazan aılary aralyǵynda Álem kýboginiń 9-10 kezeńi ótetindigin jetkizdi.
«Mysyrda qalyptasqan jaǵdaılarǵa baılanysty jarys Qazaqstanda ótkiziletin boldy. Qazaqstan osy jarys jolynda eki jyl eńbektendi. Halyqaralyq baıqaýshylardyń qatysýymen Kýbok aldyndaǵy básekeni de uıymdastyrdy. Bizdiń formatymyz jarap tur, biz ony jetildirdik jáne ol naǵyz Álem kýbogi bolady, munda barlyq juldyzdar jınalady»,-dep qosty komanda kaptıtany.
«Men osymen 6 synnan óttim. Osy rette men árbir synnyń barǵan saıyn sporttyq mádenıetti jetildire túsip, jarysqa degen qyzyǵýshylyqty arttyra túsetinin aıtqym keledi. Bul báseke álemde qalyptasqan brend jáne onyń Qazaqstan aımaǵynda ótetindigi de kóńilge jylý uıalatady. Bul jerde shyn mánindegi kúrdeli de qyzyqty rallı-reıd ótkizý úshin barlyq sharttar bar. Búginde Jibek joly Dakardyń úlken básekelesi deýge bolady. Bolashaqta osy jerde Dakar da Jibek joly da uıymdastyrylýy múmkin»,-dedi ol.
