Álemdik astyq rynogy qatty qurǵaqshylyq pen qomaqty zapas qorynyń arasyn teńestirip tur
ASTANA. Shildeniń 15-i. QazAqparat - Bir jaǵynan qýańshylyqtyń qateri, ekinshi jaǵynan - qomaqty zapas qoryn jasap alý, álemdik astyq rynogynyń dál qazirgi ýaqyttaǵy ahýalyn osylaı sıpattaýǵa bolady. Reseı, Qazaqstan jáne Kanadanyń astyǵyna yqpal etip otyrǵan bıylǵy aýa raıynyń jaısyzdyǵy týraly jańalyqtan keıin baǵanyń kúrt kóterilýine kóńil aýdarǵan batys rynoktary baǵaǵa birqatar túzetýler engizdi.
«Amerıka rynogyndaǵy bıdaıdyń baǵasy sońǵy eki apta kóleminde sharyqtaýdyń shegine jetti», - dep aıtylǵan IDK.ru. astyq portalynda jarııalanǵan taldaýlyq sholýda. Dúısenbide astyq tuqymdastardyń baǵasy batys rynogynda birshama arzandaǵany da aıtylady.
«Naqty bir saýda áreketterin qoldanýdan buryn, bırja qyzmetkerleri astyq jınaýdyń álemdik ahýalyn tolyǵyraq zerttep alý úshin biraz ýaqyttyń qajet bolýy múmkin», - dep atap ótedi IDK.ru. Degenmen, ázirge álem qambasy astyqqa tolyp turǵanda, ǵalamshardyń azyq-túlik qaýipsizdigine eshqandaıda qaýip tónip turǵan joq, dep aıtylǵan astyq portalynda.
