Álemdi tańǵaldyrǵan egiz sportshylar
ASTANA. 3 qazan. QazAqparat - Sportty otbasylyq ónerge aınaldyrǵandar óte kóp. Solardyń arasynda bir kúnde, bir saǵatta týǵan álemge áıgili egiz saıypqyrandar jeterlik. Egizderdiń sporttaǵy baspaldaǵyna qarap otyryp, talaı qyzyqqa kýá bolasyz. Biri eshqashan syńarynan alystamasa, kelesisi bir-birine qarsy oınaǵan, dep habarlaıdy alaman.kz sport tarıhyndaǵy egizderge qatysty eń qyzyq derekterdi usyna otyryp.
Sergeı men Anatolıı Beloglazov
- Egizder týraly sóz bolǵanda eń áýeli eske erkin kúres sheberleri Sergeı men Anatolıı Beloglazovtar eske túsedi. Sereja men Tolıanyń úlken sporttaǵy alǵashqy qadamy 14 jasynda bastaldy. KSRO-nyń eńbek sińirgen bapkeri Granıt Taropın Sereja men Tolıanyń boıynan tunyp turǵan talantty baıqaıdy. Sóıtip, olardy erkin kúrestiń ádis-tásiline baýlýǵa kirisedi. Bastapqyda Sergeı de, Anatolıı de bir salmaq dárejesinde beldesetin. Keıinirek bapkeri olardy eki salmaqqa bólip, Sergeı syńaryna qaraǵanda aýyr salmaqta kúsh synasty. 1980 jyly Máskeýde ótken Olımpıadada egizder tuńǵysh ret dúbirli dodanyń altynyn jeńip aldy. Áýeli Tolıa myqtylyǵyn dáleldese, sál keıinirek Sereja Olımp shyńyna shyqty. Mundaı jaǵdaı erkin kúres tarıhynda buryn-sońdy bolmaǵan edi. Los-Andjelestegi Olımpıadaǵa (1984 jyl) KSRO boıkot jarııalaýyna baılanysty Beloglazovtar AQSh-qa bara alǵan joq. Al Seýl Olımpıadasynda (1988 jyl) Sergeı ekinshi márte altyn medalǵa qol jetkizdi. Tolıa 4 ret, Sereja 6 márte álem chempıony atandy.
Pavol men Peter Gohshornerler
- Kanoede juptasyp eskek esýden slovakııalyq Pavol men Peter Gohshornerlerge teń keletin jan joq búginde. Egizder Olımp shyńyna tuńǵysh ret Sıdneıde (2000 jyl) kóterildi. Tórt jyldan keıin Afıny Olımpıadasynda (2004 jyl) Pavol men Peterdiń taǵy da joly boldy. Beıjińde (2008 jyl) aǵaıyndy Gohshornerler úshinshi márte Olımpıada chempıony atandy. Olar - úsh ret dúbirli dodanyń úzdigi atanǵan tuńǵysh egizder. Londonda (2012 jyl) Pavol men Peter júldeli úshinshi orynǵa ıe boldy. Aǵaıyndy Gohshornerlerdiń álem chempıonatyndaǵy jetistigi de bir tóbe. Olar 6 altyn, 2 kúmis, 4 qola júldege qol jetkizdi. Álem kýbogynda 10 márte márege ózgelerden oq boıy alda keldi. Bul - kanoede juptasyp eskek esýden absolıýtti kórsetkish.
Djoel men Henrık Lýndkvıst
- Shvetsııalyq hokkeıshilerdiń arasynda tanymal egiz sportshylar jeterlik. Djoel men Henrık Lýndkvıstter - Ulttyq hokkeı lıgasyndaǵy úzdik oıynshylardyń biri. Henrık Týrınde ótken Olımpıadada (2006 jyl) altyn medalǵa ıe boldy. Ol Shvetsııa qaqpasyn qorǵaǵan-tuǵyn. Búginde Henrık «Nıý-Iork Reındjers» klýbynda óner kórsetedi. Onyń egizi Djoel «Frelýnda» klýbynyń oıynshysy. 2006 jyly 14 jeltoqsanda egizder bir-birine qarsy oınady. Shvetsııalyq taǵy bir egizDanıel men Henrık Sedınder de Týrın Olımpıadasynyń jeńimpazy. Eń qyzyǵy, egizderdiń juby jazylǵan emes. Ekeýi de «Vankýver Kenaks» klýbynyń namysyn qorǵaıdy. Tipti, ulttyq qurama sapyna da birge shaqyryldy. Bıyl Shvetsııa men Fınlıandııada ótken álem chempıonatynda Danıel men Henrık bas júldeni jeńip aldy.
Danıel men Henrık Sedın
UQL-da ter tókken egizderdiń sany munymen shektelmeıdi. Atap aıtar bolsaq, amerıkalyqtar Krıs pen Petr Ferraro, kanadalyqtar Raıan men Krıs Rassel jáne Rıch pen Ron Satter, shvetsııalyq Patrık pen Petr Sýndstrem sekildi hokkeıshiler bar.
Fıl men Stıv Mare
- 1984 jyly Saraevodaǵy qysqy Olımpıada oıyndary kezinde qyzyq jaǵdaı boldy. Slalommen taý shańǵysy arqyly syrǵanaýdan AQSh-tyń qos sportshysy altyn men kúmisti ózara bólisti. Kómbege Fıl Mare birinshi jetse, onyń syńary Stıv júldeli ekinshi orynǵa qol jetkizdi. ıÝgoslavııadaǵy baıraqty básekede amerıkalyqtar 3 altyn, 2 kúmis alǵanyn eskersek, aǵaıyndy Marelerdiń sińirgen eńbegi aıtpasa da túsinikti. Sol oqıǵadan tórt jyl buryn Fıl Leık-Plesıd Olımpıadasynda (1980 jyl) kúmis medalǵa ıe bolǵan-tuǵyn.
Bob pen Maık Braıan
- Tennısshiler Bob pen Maık Braıandar Beıjińdegi(2008 jyl) dodada qola júldeni mise tutqan-dy. Juptasyp óner kórsetken egizder Londonda(2012 jyl) Olımp shyńyn baǵyndyrdy. Maık Londonda Lıza Reımondpen tize qosyp, aralas juptasýdan júldeli úshinshi orynǵa qol jetkizdi. Braıandar juby Australian Open týrnırin 6, French Open-di 2, Wimbledon-dy 3, US Open-di 4 márte jeńip aldy.
Rene men Vıllı Van de Kerkhof
- Fýtbolshylar arasynda da egizder jetip artylady. Gollandııalyq Rene men Vıllı Van de Kerkhoftar eki márte Álem chempıonatynyń kúmis(1974, 1978 jyldar) júldegeri atandy. 1976 jyly ıÝgoslavııada ótken Eýropa birinshiliginde olar qola medalǵa qol jetkizdi. Rene men Vıllı 1977-1978 jylǵy maýsymda «PSV» klýby sapynda ÝEFA kýbogyna ıe boldy. Ekeýi de FIFA túzgen eń úzdik 100 fýtbolshynyń qataryna kirgen.
Frank pen Ronald de Býr
- Frank pen Ronald de Býr Amsterdamnyń «Aıaks» klýby sapynda Chempıondar lıgasy, Eýropa sýperkýbogy, qurlyq aralyq kýboktyń jeńimpazy boldy. Ronald Gollandııa quramasy sapynda 2000 jyly Eýropa chempıonatynyń qola júldesin jeńip aldy. Frank mundaı jetistikke úsh ret(1992, 2000, 2004 jyly) qol jetkizdi.
Rafael men Fabıo da Sılva
- Joǵarydaǵydan bólek jasyl alańda ala dopty urshyqsha úıirip júrgen reseılik Vasılıı men Alekseı Berezýtskııler jáne Vladımır men Mıhaıl Beschastnyhtar, ıspan Hýanmı men Hose Kalehondar sekildi egizder bar. Brazılııalyq Rafael men Fabıo da Sılvalar bir-birine qatty uqsaıtyny sonsha, birde tóreshi oıyn tártibin buzǵan Rafaelge eskertý jasaýdyń ornyna Fabıoǵa sary qaǵaz kórsetken.
