Álemdegi jastardyń jumyssyzdyǵy 2010 jyly rekordtyq kórsetkishke jetedi - Halyqaralyq eńbek uıymy
ASTANA. Tamyzdyń 13-i. QazAqparat - Jastar arasyndaǵy álemdik jumyssyzdyq deńgeıi 2010 jyly da óse túsedi, sóıtip onyń kólemi 81,2 mln adamǵa jetedi. Bul jóninde keshe tamyzdyń 12-sinde Halyqaralyq eńbek uıymy (HEU) jasaǵan baıandamada aıtyldy, dep habarlaıdy RBK.
2007 jyldan 2009 jylǵa deıin jastar jumyssyzdyǵy 11.9 paıyzdan 13 paıyzǵa deıin ósti. 2011 jyly jastar arasyndaǵy jumyssyzdyq 78,5 mln adamǵa deıin (12,7%-ǵa) qysqarady dep kútilýde.
Eresekter arasyndaǵy jumyssyzdyq 2009 jyly óz shyńyna jetti (4,9%), HEU baǵalaýynsha, 2010 jáne 2011 jyldary bul kórsetkish jyl saıyn 0,1%-ǵa kemı túsedi.
2009 jyldyń sońyna qaraı 15-ten 24 jas aralyǵyndaǵy ekonomıkalyq belsendi sanalatyn 620 mıllıon jastyń 81 mıllıony jumyssyz qaldy, bul baǵalaý ótkizilip kelgen jyldardyń ishindegi eń joǵarǵy kórsetkish. Bul 2007 jylǵy kórsetkishke qaraǵanda 7,8 mln-ǵa kóp.
