Álemdegi jasandy júregi bar alǵashqy adam qaıtys boldy
ASTANA. QazAqparat - Frantsııada álemde alǵash ret jasandy júrek ornatý otasy jasalǵan adam qaıtys boldy. Ol júrektiń bıonıkalyq protezimen nebári 75 kún ómir súrgen, dep habarlaıdy Ýtro.rý.
Parıjdiń Jorj Pompıd atyndaǵy gospıtaldiń dárigerleri 76 jastaǵy er adamnyń ólimine ne sebep bolǵanyn ázirge aıtpaı otyr.
Jalpy, ótken jyly álemdegi júrektiń bıonıkalyq protezin aýystyrý otasy parıjdik Jorj Pompıd atyndaǵy gospıtaldiń dárigerlerimen júzege asyrylǵan bolatyn. Sol kezde aq halattylar ota sátti ótkenin jáne jasandy júrektiń qyzmeti jaqsy ári qalypty ekenin málimdegen-di.
Bıomaterıaldardan jasalǵan júrek protezin Carmat kompanııasy ázirlegen bolatyn. Ol adam júregi sııaqty jumys istep, fızıkalyq júktemelerdi kótere alady. Sondaı-aq ol adam aǵzasynda bes jyl boıy jumys isteıdi.
